ڕاگەهاندنەك ژ زانکۆیا دهۆك بۆ قوتابیێن خۆلا دووێ یێن پۆلا دوازدێ ئامادەیی

زانکۆیا دهۆك ب هەماهەنگی دگەل وەزارەتا خواندنا بلند و ڤەکۆلینێن زانستی – ڕێڤەبەرییا نڤیسینگەها کەرکووك، هەموو قوتابیێن دەرچوویێن خۆلا دووێ بۆ سالا خواندنێ 2024-2025 ژ دەڤەرێن کوردستانێ یێن دەرڤەی ئیدارەیا هەرێمێ (دەڤەرێن ماددێ 140) یێن پێشتر فورما کاغەز بۆ وەرگرتنێ ل زانکۆیێن هەرێما کوردستانێ پێشکێشکرین، ئاگەهدار دکەت ل دۆر خالێن ل خوارێ:

* پێدڤییه‌ قوتابی ئەنجامێن خۆ (بۆردا نمران یا فەرمی) کو مۆرکری بیت ژ لایێ ڕێڤەبەرییا قوتابخانێڤە، بینن و ڕادەستی ڕێڤەبەرییا تۆمارا گشتی ل زانکۆیا دهۆك بکەن.

* پێدڤییه‌ قوتابی فورما ئەلیکترۆنی ب ڕێیا ڤی لینکی یان کۆدێ QR بهنێرن، د سێ ڕۆژاندا ب تنێ، ژ مێژوویا ڕاگەهاندنا ئەنجامان ژ لایێ وەزارەتا پەروەردا عیراقێڤە.

لینکێ فورما ئەلیکترۆنی:
https://form.jotform.com/230972496936067
تێبینی:
ئەڤ پێشکێشکرنا ئەلیکترۆنی ب تنێ بۆ قوتابیێن خۆلا دووێ یا ڤێ سالا خواندنێ یە.

هەر فورمەکا ئەنجامێن وێ یێن فەرمی د ده‌مێ دیارکریدا نەگەهن، دێ هێتە پشتگوهـ هاڤێتن.
هیڤییە د پڕکرنا فورما ئەلیکترۆنی دا هویربین بن.
نڤیسینگەها ڕاگەهاندنا زانکۆیا دهۆك