د. ئەشواق جاف: یا گرنگ سەرکەڤتنا کوردستانێ و خەلكێ کوردستانێیە

پارتی دیموکراتی کوردستان ب لیستا ژمارە ٢٧٥ دەست ب بانگەشێ بۆ ھەلبژارتنێن پەرلەمانێ عێراقێ کرییە، سەرۆکا لیستا پارتی دیموکراتی کوردستان ل سلێمانیێ دبێژیت: سۆزێ د دەینە خەلكێ” كا چاوا بەری نوكە مە بەرەڤانی ژ مافێ خەلكێ خۆ كرییە، د نوكە و داهاتی ژی دا ب ھەمان رەنگ دێ د بەردەوام بین.

د. ئەشواق جاف، کاندیدا ژمارە ئێک و سەرۆکا لیستا پارتی دیموکراتی کوردستان ل سلێمانییێ” دیار كر: هیڤیدارین بانگەشا ھەلبژارتنێن پەرلەمانێ عێراقێ ب ئارامی و برێڤە بچن و پشتی تەمامبوونا ئەڤێ  پرۆسێ ژی، هەموو ئالییێن كوردی ب ئێکدەنگ بچنە بەغدا بۆ ب دەستڤەئینانا مافێ خەلکێ کوردستانێ” هەروەسا ئەوا گرنگ، سەرکەڤتنا کوردستانێ و خەلكێ کوردستانێیە، لەوما پێدڤییە پێکڤە و ب ئێک دەست خەباتێ بۆ مافێ خەلکێ و بجهئینانا دەستووری و یاسایێ بکەین، ژبەركو مافێ خەلکێ کوردستانێ دناڤا دەستوورێ عیراقێ دا هاتییە چەسپاندن.

ناڤهاتییێ ئەو چەند ژی ئاشكرا كر: ھەموو خەلکێ کوردستانێ دزانن پارتی دیموکراتی کوردستان پڕۆژێن وێ د بەرژەوەندییا خەلکێ کوردستانێ دانە و هەردەم پارتی د سەنگەرێ بەرگریکرنێ دابوویە” ژ بۆ ب دەستڤەئینانا مافێن خەلكێ كوردستانێ و بەردەوام ژی بەرگری ژ قەوارێ ھەرێما کوردستانێ کرییە، لەوما خەلكێ مە ژی پێشوازییێ ل پارتی و هەموو كاندیدێن پارتی ژی دكەن” ئەم ژی سۆزێ ددەین هەر وەكو چاوا ل دەمێ بۆری” مە بەرەڤانی ژ خەلكێ و مافێن وان كرییە، د نوكە و د داهاتی ژی دا دێ وێ بەرەڤانیێ ل مافێن وان کەین.