ل دیدارا ئەڤرۆ لسهر پلاتفۆرمێ TEDx Nishtiman، و دهمێ دوو گەنجان ژ رێزدار مهسرور بارزانی، پرسیار کری کو دوو شیرەتان لێ بکە ت ئەو دوو شیرەتە دێ چ بن؟ ، بهرسڤا وی وهك پهیامهكا فهلسهفی و پڕاکتیکی ل ههمان دهم هات:
حەز ژ وەلاتێ خۆ بکەن ، هەروەسا بلا هەوە باوەری بخۆ هەبیت.
د ئەڤێ ڕستا کورت دا، سێ یهکا جهوههری دیار دبیت کو بنهمایێ ههر فهلسهفهیا ژیانهكا ههڤسهنگ پێکدئینیت:
1. حهزا وهلاتی وهك ئهرکهکێ ویژدانى و ئهخلاقى:
وهلات نه بتنێ جههکێ جوگرافی یان قهوارهیێن سیاسییه، بهلکو ئهو چارچووڤهیه یێ بهایێن مه، ناسنامهیا مه، و بیرهوهریا مه یا جڤاکی ب خۆڤه دگریت. حهزکرنا وهلاتی ئانکو پەیوهندیداریا راستهقینه ب جڤاکیڤه و پشکدارییا چالاک د پاراستنا دهستکهڤتێن وێ و پێشخستنا پاشهڕۆژا وێدا.
2. باوهرى بخۆ ئینان وهك مهرج بۆ گوهۆرین و بهرپرسیارییێ:
مرۆڤێ باوهرى ب شیانێن خۆ ههى، مرۆڤهکه دشێت زانینێ بکهته کریار، و بیرێ بکهته ڕاستى. باوهری ب خۆ ئینان ل ڤێرێ نه غرورە، بهلکو زانینا بهایێ کهسایهتییه و گرێدانا وێ ب شیانێن ئاڤاکهر د ژیانا جڤاکى دا.
3. تێکهلکرنا ناڤبهرا تاک و جڤاکى د دیدهکێ تهمام دا:
ئامۆژگاریا کورت داخوازێ ل تێکهلکرنا بهرپرسیارییا کهسایهتی و هۆشداریا جڤاکی دکهت؛ چونکى ئهو گهنجێ حهز ژ وهلاتی خۆ بکهت و باوهری ب خۆ بینیت، دێ بیته فهرماندارێ گوهۆرینا راستهقینه، و دشێت بهایێن خۆ وهرگێریته سهر کریارێن بهرچاڤ و وهلاتێ خۆ پتر گهش و ئاڤا بکهت.
ب ئەڤان پهیڤان، مهسرور بارزانی نه تهنێ شیرەتەكا ب سهر ڤه ددهت، بهلکى بنهمایهكێ فهلسهفی ددانیت، کو ژیانا مهعنهوی و پڕاکتیکی یا گهنجی دهستپێدکهت ب حهزا هۆشدار بۆ وهلاتی و باوهریا ههڤسهنگ بۆ خۆ، دا ببنه پێخوستهیێن سهرهكى بۆ پێگههشتنا جڤاکى و مرۆڤایهتی.
ئەحمەد زبێر بانی
