تاقیکرنەکا نوو یا خوینێ شیانێن ڤەدیتنا پتری 50 جۆرێن پەنجەشێرێ هەیە

د لێکۆلینەکا زانستییا گرنگ دا ل ویلایەتێن ئێکگرتییێن ئەمریکا و کەنەدا کو ب ناڤێ (تاقیکرنا خوینا گالێری) هاتییە نیاسین و ل سەر پتری 23 هزار کەسان هاتییە تاقیکرن، هاتییە ئاشکرا کرن، وێ تاقیکرنێ شیان هەنە پتر ژ 50 جۆرێن پەنجەشێرێ دیاربكەت، ب تنێ د قووناغێن دەستپێكی دا و پێش دەرکەفتنا هەر نیشانەکێ ل سەر کەسێ تووشبوویی ب نەخۆشییا پەنجەشێرێ.

لدووڤ زانیارییێن سایتێ (سکای نیوز) ێ بریتانی، ئەو تاقیکرنە ل سەر شرۆڤەكرنا DNA یا كەسان دمینیت، کو ژ خانێن پەنجەشێرێ یێن دناڤ  خوینێ دەردكەڤن، ئەڤە کاری بۆ دەستنیشانکرنا گرێکان بەری گەشەکرنا وان و گەهشتنا وان ب قووناغێن پێشکەڤتی دكەت.

ئەنجامێن وێ لێکۆڵینێ دیاردكەەن كو ڕێژا 61.6% ێ یا وان پشكدارێن نیشانا پەنجەشێرێ ژ ئەنجامێ تاقیکرنێدا تێدا دەرکەڤتبوو، براستی تووشی نەخۆشییێ بوون” وێ تاقیکرنێ ئاشکرا ژی کرییە كو ژ سەرجەمێ ئەوی خەلكێ وەک نموونا لیكۆلینێ هاتییە وەرگرتن، ئەوێن نیشانێنپەنجەشێرێ تێدا دەرنەکەفتین گەهشتینە 99.6% ێ، و ب ڕێژا 92% ێ شیاینە جهێ ژێدەرێ پەنجەشێرێ د ئەندامێ یان شانەیێن جه‌سته‌ییدا دیار بکەت.