بەحسی ب هێزكرنا پەیوەندییێن سوید و هەرێما كوردستانێ هاتە كرن

مەسرور بارزانی سەرۆكێ حكومەتا هەرێما كوردستانێ پێشوازی ل یۆرگن لیندسترۆم ڕێكخەرێ كاروبارێن بالیۆزخانەیا سوید ل عیراقێ كر.
د دیدارا واندا دووپاتی ل گرنگییا ب هێزكرنا پەیوەندییێن هەرێما كوردستانێ و سویدێ د بیاڤێن جۆدا دا هاتە كرن.
ڕێكخەرێ بالیۆزخانەیا سویدێ، سەركەڤتنا چاكسازییێن حكومەتا هەرێما كوردستانێ د كەرتێن جۆدا دا ل سەرۆكێ حكومەتێ پیرۆزكر.
د پشكەكا دییا دانوستاندناندا، هزر و بوچوون ل دۆر چارەسەركرنا ئاریشەیێن دناڤبەرا هەرێما كوردستانێ و حكومەتا فیدرالدا ل سەر بنەمایێ دەستووری و ڕێككەڤتنان، ڕەوشا گشتییا عیراقێ و دووماهی ئامادەكارییێن هەلبژارتنێن پەرلەمانێ عیراقێ هاتنە لێكگۆهارتن.