وەزارەتا ناڤخۆ یا حکومەتا هەرێما کوردستانێ رۆنکرنەک بەلاڤكر

وەزارەتا ناڤخۆ ىا حکومەتا هەرێما کوردستانێ رۆنکرنەک بەلاڤكر و تێدا هاتییە: وەلاتییێن عەزیز ئاگەهدار دکەین كو دەمەكە دەنگۆیێ نەڕاست دهێنە بەلاڤكرن” كو حكومەتا فیدرالی/وەزارەتا کۆچ و کۆچبەران دێ قەرەبوویا وان وەلاتییا كەت” یێن كو ژ ئەگەرێ سیاسەتێن رژێما بەعس ب تایبەتی پشتی ڕێکەڤتناما جەزائیر ل سالا ١٩٧٥ ێ” ئاوارەیی وەلاتێن ئیران و تورکیا و سوریا بووین و پشتی سەرهلدانا مەزنا گەلێ مە ل ١٩٩١ ێ ڤەگەریاینە هەرێما کوردستانێ.

گۆت ژی: ئەم بۆ ڕایا گشتی ڕادگەهینین، کو زێدەباری هندێ حکومەتا هەرێما کوردستانێ/ وەزارەتا ناڤخۆ گەلەك بزاڤكرینە بۆ هندێ د چارچوڤێ دەستوورێ عێراقێدا، حکومەتا فیدرالی بەرپرسیارەتییا خۆ بەرامبەر وان خێزانێن بەڕێز بجهبینیت، هەتا نڤێسینا ئەڤێ رۆنکرنێ چ بەرسڤێن فەرمی ژ لایێ حکومەتا فیدڕاڵی نەگەهشتییە مە و ئەو نووچەیێن د نوكە دا دهێنە بەلاڤكرن ئێستادا د دوورن ژ ڕاستییێ.

هەروەسا دبێژیت: لەوما ئەم  ئاگەهدارییا وەلاتییێن عەزیز دکەینەڤە” كو نەكەڤنە بەر پرۆپاگەندەیا هەڵبژارتنان بۆ بەرژەوەندییا چەند کەس و لایەنان” هەوە دل ئارام دکەین کو حکومەتا هەرێما کوردستانێ دێ ب ئەرک و بەرپرسیارەتییا خۆ رابیت و هەتا ب دەستڤەئینانا مافێن هەوە ب تایبەتی مافێ قەرەبووکرنا وان ئاوارێن ڤەگەریاینە نیشتیمانێ خۆ، دێ بەردەوام بیت و هەر زانیاری و گاڤەكا فەرمی هەبیت، ل ژێدەرێن فەرمی دێ گەهینینە هەوە.