بڕیارەك بۆ ئینانا ترۆمبێلان دێ هێتە بجهئینان

رێڤەبەرێ گشتییێ بازرگانی ل وەزارەتا بازرگانی و پیشەسازی ل هەرێما كوردستانێ ئاشكرا كر: بڕیارەك بۆ قەدەغەكرنا هاوردەکرنا ترۆمبێلێن مۆدێل 2023 ێ” بۆ هەرێما كوردستانێ دێ هێتە بحهئینان.

نەوزاد شێخ کامل، دبێژیت ژی: “سالانە ل هەیڤا 11 پەیڕەو د بابەتێ ترۆمبێلێن خوار مۆدێل دا دهێتە كرن، ئەڤ سالە رێك ناهێتەدان ترۆمبێلێن مۆدێل 2023 ێ” بهێنە هەرێما كوردستانێ ب  تنێ رێك دێ ب هاوردەکرنا ترۆمبێلێن مۆدێل2024 هەتا مۆدێل 2026 بۆ هەرێما كوردستانێ دێ هێتە دان و هەروەسا بۆ هاوردەكرنا ترۆمبێلان ل لە دەرگەهێن سنووری بڕیار و رێكار دێ هێنە دەركرن، دیسان ساڵانە ل هەیڤا 11 هاوردەکرنا ترۆمبێلێن مۆدێل دو سالێن پێشتر دهێنە قەدەغە کرن و رێك ب هاوردەکرنا وان ناهێتە دان.

نەوزاد شێخ کاملی گۆت ژی: ل هەشت هەیڤێن ئەڤ سالە دا پتر ژ 114 هزار ترۆمبێل ل دەرگەهێن نێڤدەولەتی یێن هەرێما كوردستانێ هاتینە هەرێما كوردستانێ و پتر ژ 500 مۆلەتێن بازرگانی هاتینە دان ب وان كۆمپانیێن ترۆمبێلان هاوردە دكەن ”  هەروەسا ترۆمبێل یێن وەلاتێن جودا یێن جیهانینە، ژ وان ژی (ئەمریكی، فرەنسی، بریتانی، ئەلمانی، چینی، ژاپۆنی، كۆری)، هندەك ژ وان ترۆمبێلان دچنە باژێرێن دیتر یێن عێراقێ.

ل سالا 2023 ێ” ب گشتی 122 هزار ترۆمبێل هاتبوونە هاوردە كرن، ل سالا 2024 ێ” ئەو رێژە زێدەبوویە و گەهشتییە 172 هزار تۆمبێلان.