بەرپرسێ لقا ئێك یا پارتی دیموكراتی كوردستان پەیامەكا پیرۆزباهییێ ب هەلكەڤتا سەركەڤتنا پارتی د هەلبژارتنێن پەرلەمانێ كوردستانێ دا بەلاڤكر.
د. نەوزاد عەبدولا بەرپرسێ لقا ئێك یا پارتی دیموكراتی كوردستان دیاركر، جەماوەر و كادر و ئەندام و لایەنگرێن پارتی جارەكا دی سەلمان، پارتی هێزا باوەرپێکرییا گەلێ کوردستانێ یە و هەلگرا خەون و هیڤیێن هەر تاکەکێ کوردستانی یە، پارتی تاکە هێزە کو بشێت بەرهەمێ خوینا شەهیدان و خەباتا پێشمەرگەیان ب پارێزیت و پاشەرۆژەكا گەش بۆ گەلێ خۆ دابین بکەت.
هەروەسا ئاشكراكر، بۆ وان جهێ شانازیێ یە کو بۆ جارا دووێ ل سەر ئێك، ل سنوورێ لقێ ئێكا، شیان دەنگێن پارتی ب ڕێژەیەکا بەرچاڤ بلند بکەن و چالنجا ئێك ملیۆن دەنگی و زێدەتر” ب ئێخنە د چوارچوڤێ ڕاستییێ دا، نەیار و نەحەزان شۆك بکەین.
بەرپرسێ لقا ئێك ئاماژە ب هندێ دا، ئەڤ سەرکەفتنا دیرۆکی ڤەدگەریت بۆ وێ باوەرییا گەلێ كوردستانێ ب ڕێبازا بارزانییێ نەمر و ب ڕێبەری و سەرکێشییا سەرۆك بارزانی هەی، سەرکەفتنا بەرنامە و کارنامەیا کابینەیا نەهێ یا حکومەتا هەرێمێ ب سەرۆکاتییا مەسرور بارزانی، ئەو ڤێ سەرکەڤتنێ پێشکێشی سەرۆك بارزانی و هەردوو جێگرێن وی، نێچیرڤان بارزانی و مەسرور بارزانی دکەن، سۆزێ نوو دکەنەڤە کو دێ پێشمەرگەیێن ب وەفایێن ڕێبازا پیرۆز بین.
