نێچیرڤان بارزانی، سەرۆكێ هەرێما كوردستانێ ب هەلكەفتا ڕۆژا جیهانییا نەهێلانا توندوتیژییێ دژی ئافرەتان پەیامەك بەلاڤكر.
دەقێ پەیاما سەرۆكێ هەرێما كوردستانێ؛
ل ڕۆژا جیهانییا نەهێلانا توندوتیژیێ ل دژی ئافرەتان، پهیوهندییا مه یا نهگوهۆر بۆ بهرگریكرنێ ل مافێن ژنان و ئاڤاكرنا جڤاكەكی كو ئازادی و یهكسانی و ڕێزا مرۆڤی تێدا سهروهر بیت دووپات دكەین، د بزاڤ و كاركرنێدا بۆ بەرهەنگاربوونا ههموو شێوازێن توندوتیژییێ و جوداخوازیێ ل دژی ئافرەتان دێ بهردهوام بین.
ب ڕێزڤه.. بیرا وان ههموو ئافرهتان دكهین یێن ژ ئهگهرێ توندوتیژییێ گیانێ خۆ ژ دهستدای و ههڤسۆزییا خۆ یا كویر بۆ خێزانێن وان دیاردكەین. دلنەرمییێ بۆ خێزانێن وان ب تنێ ب بجهئینانا دادپهروهرییێ و ڕێگریكرنێ ل دووبارهبوونا ڤان تاوانان و ئاڤاكرنا ژینگەههكا ئارام دێ دروست بیت كو د هەر پلە و ڕەوشەكێدا پارێزگارییێ ل ههر ژنهكێ بكهت.
پاراستنا مافێن ئافرەتان ستوینەكا سهرهكییه بۆ ئاڤاكرنا جڤاكەكێ ئازاد، دادپهروهر، پێشكهڤتی و ئارام بۆ ههموویان. نەهێلانا توندوتیژییێ ل دژی ئافرەتان پێدڤی ب ئیرادهیهكا بێكۆمهل، یاسایێن تۆكمه و بجهئینانا وان و هۆشیارییهكا كۆمهلایهتی ههیه كو ڕێزێ ل ئافرهتێ بگریت و پشتهڤانییێ ل پشكداریكرنا وێ یا بهرفرههـ د ژیانا سیاسی و كارگێری و ئابووریدا بكهت.
داهاتییا كوردستانێ، گرێدایه ب شیانپێدانا ئافرهتان و ب هێزكرنا پشكدارییا وان یا چالاك د ههموو بیاڤێن ژیانێدا. ب ههموو هێز و پێداگرییهكێ پهیوهند دبین ب بەرهەنگاربوونا توندوتیژییێ، بیرا توندڕهویێ، پاراستنا ماف و ئازادییان و ئاڤاكرنا جڤاكەكی كو تێدا ههر ئافرهتهك پاراستی، ئازاد و خودان شیان بیت بۆ بجهئینانا خهون و ئارمانجێن خۆ.
دگهل ههموو سازی و لایهنێن فهرمی ل ههرێما كوردستانێ و جڤاكێ مهدهنی و كهسایهتییێن ئایینی و كۆمهلایهتی بهردهوام دبین بۆ ب هێزكرنا پاراستنا یاسایی، بهرفرههكرنا بهرنامهیێن شیانپێدانا ئابووری و پێشخستنا پشكدارییا ئافرهتان د پلهیێن بڕیاردانێدا و مسۆگهركرنا ئاڤاكرنا ژینگههەكا كار و جڤاكەكێ كو دویر بیت ژ گێچهڵ و توندوتیژی و جوداخوازییێ.
سلاڤ ل ههموو وان ئافرهتان یێن خهباتێ بۆ مافێن خۆ دكهن، ههروهسا ل چالاكڤانان و كارمهندێن بیاڤێ بهرگریكرنێ ل ژنان و ههموو وان یێن د بلندكرنا ئاستێ هۆشیارییا كۆمهلایهتی و چهسپاندنا بهایێن یهكسانییێدا پشكدارن. ههروهسا ڕۆلێ گهنجان، دهزگههێن ڕاگههاندنێ، قوتابخانه و زانكۆیان، د بهلاڤكرنا كەلتوورێ نهتوندوتیژییێ و ڕێزگرتنێ ل بهرامبهر، ب گران دبینین.
دا ههموو پێكڤه بهردهوام بین د كاركرنێدا ژ پێخهمهت جڤاكەكێ بێ توندوتیژی، بێ ترس و بێ جوداهی.
نێچيرڤان بارزانى
سهرۆكێ ههرێما كوردستانێ
25-11-2025
