مەزلوم عەبدی و ئەردۆگان دێ كۆمبن، ب دلێ ئەحمەد شەرعی نینە

بریارە ل دەمەكێ نێزیك مەزلوم عەبدی فەرماندەیێ گشتییێ هێزێن چەكدارێن هەسەدە و ڕەجەب تەیب ئەردۆگان سەرۆككۆمارێ توركیا كۆمببن، دبەرامبەردا ئەحمەد شەرع سەرۆكێ سووریا بزاڤێن تێكدانا ڤێ كۆمبوونێ دكەت، بۆچی؟.

عادل باخەوان ڕێڤەبەرێ پەیمانگەها ئورۆپی بۆ خواندنان ل دۆر ڕۆژهەلاتا ناڤین و باكوورێ ئەفریكا ل دۆر ڤێ كۆمبوونێ ئاشكراكر.

* ئەردۆگان و مەزلووم عەبدی ڕێككەڤتن كو ل نێزیكترین دەم ئێك و دوو ببین، هەردوو وەسا هزر دكەن ئەڤە د بەرژەوەندییا كوردان و توركیادایە.

* هەرێما كوردستانێ ڕۆلەكێ سەرەكی د دروستكرنا ڤێ ڕەوشا نوودا دیتیە.
* پشتی كۆمبوونا مەزلوم عەبدی و ئەردۆگانی، كۆمبوونا دگەل عەبدولا ئوجەلانی ژی د بەرنامەیدایە.

* ئەحمەد شەرعی سعوودیە و ئەمریكا ئیناینە سەر خەت داكو مەزلوم عەبدی و ئەردۆگان كۆم نەبن، ژبەركو ئەو وەسا دبینیت ئەگەر ڕۆژئاڤا وەكو باشووری لێهات، دێ بیتە مەترسی ل سەر سووریا.

* چەند دیمەشق پتر نێزیكی ڕیازێ بیت، ئەنقەرە و قامشلو ژی پتر نێزیكی ئێك دبن.

* بەرژەوندییا بلندا نەتەوەیی، نە د ئادیۆلۆژیایێ دنیاسیت نە مێژوویێ، نە ئایینی نە كولتووری.

* دەمێ بریارا مێژووییە بۆ كوردان، د چ بەرەیەكیدا بیت، ئیسرائیلێ یان توركیا؟ ئیرانێ یا توركیا؟