<h2>سیاسەتا ئەمریكا بەرامبەر توركیا، سوریا و ڕۆژئاڤایێ كوردستانێ ل سەر ئەساسی هەڤركی بەرژەوەندی و هەڤسەنگی هاتیە دارشتن، ئەمریكا دگەل هەر ئێك ژڤان لایەنان هەڤركی و ناكوكی هەنە، د هەمان دەمدا بەرژەوەندی هەنە و دخوازیت هەڤسەنگییێ بێخیتە دناڤبەرا هەرسێ لایەناندا ، دڤێ گوتارێدا دێ ڕۆلێ سیاسی و ستراتیجی یێ هەر سێ هەرێمان بۆ ئەمریكا دەینە دیاركرن، هەروەسا دێ شروڤەكەین كا ئەمریكا چ جۆرە سیاسەتەكێ بەرامبەر هەرسێ هەرێمان بجهئینینن.</h2> <h2>*بەرژەوەندیێن ئەمریكا دگەل توركیا:-جیوستراتیجیێ توركیا دكەڤیتە سەر خالا پێكگهەشتنا ئەورۆپا، ڕۆژهەلاتا ناڤین، قەفقاز و دەریا ڕەش كونترۆلا دەروازەیێن دەریایی (بوسپور و داردانیل)دكەت ب گورەی ڕێكەڤتنامەیا مونترو وەك دیوارەكێ بەرگێرییێ دناڤبەرا ڕۆژهەلات و ڕۆژئاڤای كاردكەت، بۆ ئەمریكا توركیا هێلا پێشەیە بۆ چاڤدێریكرنا ئیرانێ و ڕێگریكرن ل هەژمونا ڕوسیا.</h2> <h2> ئەندامبوونا توركیا خودان دووهم مەزنترین سۆپایە د ناتویێدا، مێهڤاندارییا بنكەیێ ئەسمانی یێ ئەنجرلیك دكەت كو بۆ ئۆپەراسیۆنێن ئەمریكا ل ڕۆژهەلاتا ناڤین و چاڤدێریكرنا ئێمناهییا ئەورۆپا گەلەك یا گرنگە.</h2> <h2>*ناكوكی و هەڤركیێن ئەمریكا دگەل توركیا:- هەرچەندە ئەمریكا و توركیا هەردوو ئەندامن د ناتویێدا بەلێ ئاریشهیێن وان گەهشتینە ئاستێ هەرەشەیا ل سەر ئاسایشا نەتەوەی، ئەمریكا و هێزێن سوریا دیموكرات وەكی هەڤپەیمانێن كاریگەر د شەڕێ داعشدا دبینیت، بەلێ توركیا هێزێن كوردی یێن یەپەگێ وەكی درێژەپێدەرا پەكەكێ دبینیت و هەبوونا ئوتونۆمییا كوردی ل سەر سنوورێن خۆ وەك مەترسیا هەبوونا خۆ ددەتە دیاركرن.</h2> <h2> كڕینا سیستەمێ موشەكی یێ s-400 ژ ڕووسیا ژلایێ توركیاڤە، ئەمریكا تورەكریە ژبهركو سیستەمێن ناتۆ دكەتە د مەترسیێدا، ژبەر ڤێ چەندێ ئەمریكا، وهلاتێ توركیا ژ پرۆژێ f-35 بێ بەهركر و سزایێن ئابووری بسەردا سەپاندن .</h2> <h2>*بەرژەوەندیێن ئەمریكا دگەل ڕۆژئاڤایێ كوردستانێ و هێزێن سوریا دیموكرات:- شەرێ دژی تیرۆرێ(داعش)ئەڤە ئەگەرێ سەرەكی و فەرمی یێ هەبوونا ئەمریكایە ل سوریێ، ئەمریكا نەڤێت سەربازێن خۆ ب ڕێژەكا مەزن بدەتە كوشتن و هێزێن كوردی سەلماند كو كارتێكەرترین و باوەرپێكرین هێزن بۆ شەری ل سەر عەردی دژی داعشدا، هەروەسا زیندان و كەمپێن داعش نوكە ب هزاران چەكدارێن داعش و خێزانێن وان ل ژێر كونترۆلا هێزێن كوردی دانە ئەمریكا دزانیت، ئەگەر هێزێن كوردی نەمان ئەڤ چەكدارە دێ ژبن كونترۆلێ دەركەڤن و مەترسیەكا جیهانی دروستكەن.</h2> <h2>سنورداركرنا ئیرانێ ئێك ژ ئارمانجێن ستراتیژی یێن واشنتون بڕینا ئەوێ ڕێرەوێیە كو تێدا ئیران ب ڕێیا عیراق و سوریا دگەهیتە دەریا ناڤەراست، هێزێن كوردی كونترۆلا پشكەكا مەزن یا ڕۆژهەلاتێ فوراتێ دكەن، ئەڤە دبیتە بەربەستەك ل هەمبەر میلیشیاتێن سەر ب ئیرانێڤە كو نەشێن ب ئازادی ل وێ دهڤهرێ چالاكیان بكەن.</h2> <h2>هەبوونا هێزێن كوردی ب پشتەڤانییا ئەمریكا وەك كارتەكا فشارێ دهێتە بكارئینان ل سەر حوكمەتا سوریا و ئەمریكا دڤێت د هەر رێكەڤتنەكا سیاسییا پاشەرۆژێ ل سوریا پێگەهەكێ بهێز هەبیت، هەبوونا كوردان ل سەر ئەردی رێگرییێ دكەت كو حكومەتا سوریێ سەركەڤتنا ب تمامی ڕابگەهینن.</h2> <h2>ئەمریكا نەڤێت توركیا ب تەمامی دەست ب سەر باكوورێ سوریێدا بگریت، ب پاراستنا هێزێن كوردی ئەمریكا ڕێگرییێ ل توركیا دكەت ببیتە تاكە هێزا بریاردەر ل وێ دەڤەرێ.</h2> <h2>*ناكوكیێن سیاسی یێن ئەمریكا دگەل ڕۆژئاڤایێ كوردستانێ و هێزن سوریا دیموكرات :-هەڤپەیمانییا دژی (داعش)؛ ئەڤ هەڤپەیمانییە ل سالا 2014ـێ دروست بوو، ئەمریكا ب ڕێیا هێزا ئاسمانی و لوجستی پشتەڤانییا كوردان كر، لێ چ جاران بەحسێ دامەزراندنا دەولەتا كوردی نەكریە، ئەمریكا دڤێت داعش تێكبشكێنیت و سوریا سەقامگیر بكەت، بەلێ كوردان دڤێت ئەو دەستكەڤتێن بدەستڤە ئیناین بكەنە قەواریەكێ سیاسییێ فەرمی.</h2> <h2> واشنتون فشارێ دكەت كو hsd ب چ شێوەیەكی بیت ببیتە پشكەك ژ پێكهاتەیا سەربازییا سوریێ داكو سوریا پارچە نەبیت، بەلێ كوردا نەڤێت ناسنامە و سەربەخۆیا خۆ ژدەست بدەن.</h2> <h2> توركیا هەڤپەیمانییا ناتۆیێ، توركیا هێزێن كوردی و هەبونا قەوارەیەكێ سیاسی و سەربەخۆیا كوردی ل سەر سنورێ خۆ ب گەف و مەترسییا ئاسایشا خۆ دبینیت، ئەمریكا دناڤبەرا ناڵو بزماران دایە یان دێ پشتەڤانییا هێزێن كوردی كەت كو شەرێ داعشێ دكەن یان دێ توركیا ژ خۆ ڕازیكەت كو هەڤپەیمانییا وێ یا ستراتیژی یا ناتۆیێیه.</h2> <h2> *بەرژەوەندین ئەمریكا دگەل حكومەتا نوو یا سوریا و ئەحمەد ئهلشەرعی:- ژناڤبرنا هەژموونا ئیرانێ و حزبوللایێ مەزنترین بەرژەوەندییا ئەمریكا د ڕووخاندنا ئەسەدیدا بڕینا (كەوانێ شیعە) بوو حكومەتا نوو یا سوریێ نەیارێ سەرسەختا ئیرانێیە، ئەڤە دێ ڕێیا گەهشتنا چەك و پارەی بۆ حزبوللایێ ل لوبنانێ بڕیت، ژدەستدانا سوریێ مەزنترین پاشەكشەیە بۆ ستراتیژییا ئیرانێ ل دەڤەرێ كو ئەڤە ئارمانجا سەرەكییە بۆ ئەمریكا و ئسرایلێ .</h2> <h2>سوریێ تاكە بنكەیێن سەربازی یێن ڕووسیا ل سەر دەریایا ناڤین (تەرتوس و حمیم ) لێبوون ئەمریكا بزاڤێ دكەت كو حكومەتا سوریێ یا نوو فشارێ ل روسیا بكەت دا كو ڤان بنكەیان چۆل بكەت یان كێمترین كارتێكرن ل سوریێ بمینیت.</h2> <h2> بۆ ئاڤاكرنا سوریایەكا نوو پێدڤی ب سەدان ملیۆن دۆلاران هەیە، ئەمریكا دێ بزاڤێ كەت دەلیڤەیێن وەبەرهێنانێ بۆ كومپانیێن خۆ یێن مەزن د بیاڤێ ژێرخان تەكنولۆجی و وزەیێدا دابینكەت و ڕێگرییێ ل ڕووسیا و چینێ بكەت كو بتنێ كار د ئاڤاكرنا سوریێدا بكەن، سوریا نە وەك وەلاتەكێ مەزن یێ بەرهەمهێنەرێ پەترۆلێ دهێتە دیتن لێ زهڤییێن وێ یێن ل باكوور و ڕۆژهەلاتا وەلاتی گرنگیەكا مەزن بۆ ئەمریكا هەیە .</h2> <h2> *ئاریشه و ناكوكیێن ئەمریكا دگەل حكومەتا نوو یا سوریێ و ئەحمەد ئهلشرعی:-ئەمریكا ب گومان سەحدكەتە ئەحمەد ئهلشرعی سەرەرای گوهۆرینا ناڤ و شێوازی ئەحمەد ئهلشرع پێشتر سەركردێ بەرەی نوسرە بوو كو سەر ب قاعیدە بوو، هەرچەندە ئەمریكا ل 2025ـێ هندەك سزا ل سەر سڤك كرن، لێ هێشتا هندەك ژ سزایان یێ د گومانێدا، ئەمریكا فشارێ دكەت كو حكومەتا نوو مافێن مەسیحی عەلەوی و درۆزان بپارێزیت هەر پێشێلكاریەك ل ڤان بیاڤان دێ بیتە ئەگەرێ ساربوونا پەیوەندیان.</h2> <h2> ئارمانجا سەرەكییا ئەمریكا ئەوە كو سوریێ ب تەمامی ژ بازنێ كارتێكرنا ئیرانێ ب دەركەڤیت، ئەگەر ئەحمەد ئهلشرع نەشێت ڕێگرییێ ل چالاكیێن ئیرانێ ل ناڤ سوریێ بكەت دێ ئاریشه دگەل واشنتون دروستبن، ئەمریكا فشارێ ل ئەحمەد ئهلشرعی دكەت كو ئارامییا سنوران ب پارێزیت و سنوورێ ئسرایلێ (جولان) ئارام بن.</h2> <h2> *پۆختەیا گۆتارێ</h2> <h2>ئستراتیژی و سیاسەتا ئەمریكا دگەل هەرسێ لایەنان یا ئالوز و بزەحمەتە ئەمریكا بەرژەوەندی و قازانج دگەل هەر سێ لایەنا یێن هەین لێ پشتهڤانییا وان ب پلەیێن جودا دكەت ل دویڤ ڕۆل و گرنگییا هەر لایەنەكی و دخوازیت هەڤسەنگی و بێلایەنییا خۆ ههتا ڕادەیەكێ مەزن ب پارێزیت ژبەركو دۆژمنایەتییا دناڤبەرا هەرسێ لایاندا هەیە، ئەمریكا پشتهڤانییا هەر لایەنەكی ل دویڤ ڕۆل و پێگەهێ وی دكەت ب پلە ئێك ئەمریكا پشتهڤانییا توركیا دكەت ژبەركو هەڤپەیمانا وێ یا فەرمی و نیڤدەولەتیە و دووم هێزا ناتۆیێیە ئەمریكا نەڤێت پەیوەندیێن وێ دگەل توركیا تێك بچن ژبەر پشتهڤانییا كوردان، لەوڕا پشتهڤانییا دەولەتەكا كوردی ناكەت ل سەر سنورێ توركیا كو توركی كوردان ب مەترسیا ل سەر هەبوونا خۆ دزانن، لێ دهەمان دەمدا ئەمریكا ناكوكی دگەل توركیاژی هەنە، لەوڕا ب شێوەیەكێ سنوردار پشتهڤانییا كوردان ژی دكەت دا كو ل هەر دەمەكێ پێدڤی وەك كارتەكا فشارێ كوردان ل دژی توركیا بكار بینیت یان ڕێگرییێ ل توركیا بكەت كو ببیتە ئێكانە هێزا بریاردەر ل باكوورێ سوریا.</h2> <h2>ئەمریكا ب پلە دوو پشتهڤانییا جولانی و حكومەتا سوریا دكەت ژبەركو تشتێ هەرێ گرنگ هەڤپەیمانا وێ ئسرائیلە دخوازیت سنورێن ئسرایلێ ب پارێزیت و ب تایبەت نەهێلانا گرۆپێن مێلیشیا یێن سەر ب ئیرانێڤە، لێ د هەمان دەمدا ناخوازیت حكومەتا سوریا ب تمامی كونترۆلا سوریا بكەت ژبەركو باوەری ب حكومەتا سوریا نینە ل شەرێ دژی تیرۆرێ بۆ شەڕێ دژی تیرۆرا كوردان بكار د ئینیت و دخازیت هێزێن كوردی بمینن لێ پشتهڤانییا هەرێمەكا سەربەخر بر كوردان ناكەت و دخوازیت هێزێن كوردی ب شێوەیەكی سنوردار و لدویڤ بەرژەوەندیا وێ بمینن، ئەمریكا ب پلە سێ پشتهڤانییا هێزێن كوردی دكەت گرنگیا هێزێن كوردی بۆ ئەمریكا شەرێ دژی تیرۆرێیە ب تایبەت شەرێ زەمینی ئەمریكا ناخوازیت ب ڕێژەكا مەزن سەربازێن وێ بهێنە كوشتن كورد ل شەرێ دژی تیرۆرێ ب شێوەیەكێ دلێرانە شەری دكەن و سەرەرای كونترۆلكرنا زیندانیێن داعش لێ ئەمریكا گەلەك جاران هەڤپەیمانێن خۆ یێن كورد وەكی كارتەكا سۆتی و دەمی ب كار دئینیت بۆ نموونە رێكەڤتنناما جەزایر(1975)دەمێ ئەمریكا پشتا خۆ دایە شۆرەشا ئەیلۆلێ، ڤەكێشانا ئەمریكا ژ ڕۆژئاڤایێ (2019) ڕێ بۆ توركیا خۆشكر هێرشا كوردێن ڕۆژئاڤایێ بكەت، ڕیفراندۆما هەرێما كوردستانێ (2017) ئەمریكا پشتهڤانییا ڕیفراندومێ نەكر، ئانكو ئەمریكا ب شێوەیەكێ سنوردار و لدویڤ بەرژەوەندین خۆ پشتهڤانییا كوردان دكەت و ل هەر دەمەكێ كورد دگەل بەرژەوەندیێن ئەمریكا نە گونجن یا چاڤەرێكریە دەستا ژ پشتهڤانییا كوردان بەردەت .</h2> <h2>و ل دووماهییێ ژی خودێ مللەتی مە یێ كورد بپارێزیت.</h2> <h2></h2>
