ڤەكۆلینێن زانستی دیاردکەن کو ماددەیێ “کافایین”، ئەو پێکهاتەیێ تەحل و هاندەر یێ د ناڤ قەهوێ و هندەک جۆرێن چایێ دا هەیی، دبیتە ئەگەرێ بلندبوونا فشارا خوینێ ب شێوەکێ دەمکی، ب تایبەت ل دەڤ وان کەسێن کو ب بەردەوامی کافایینێ بکاردئینن.
سایتێ (Health) یێ ساخلەمییێ، ڤەكۆلینێن نوو ئاماژێ ب وێ چەندێ دکەن کو ڤەخوارنا قەهوێ ب ڕێژەکا ناڤنجی و ب بەردەوامی، کاریگەرییا نەرێنی ل سەر فشارا خوینێ دروست ناکەت.
قەهوە و پەستانا خوینێ
د راپۆرتێ دا هاتییە کو چەندین ئەگەر هەنە کاریگەرییێ ل سەر وێ چەندێ دکەن کا قەهوە چەوا کار ل فشارا خوینێ دکەت، ژ وان ژی: ڕێژەیا کافایینێ، جۆرێ خوارنێ و شێوازێ ژیانا مرۆڤی:
ڤەخوارنا جار جاران و کێم: پەیوەندی ب بلندبوونا فشارا خوینێ و زێدەبوونا مەترسییا تووشبوونێ ب نەخۆشییا ” فشارا خوینێ یا بلند” ڤە هەیە.
ڤەخوارنا ناڤنجی و بەردەوام (1 هەتا 3 فنجان د رۆژەکێ دا): چ کاریگەرییێن خراب ل سەر فشارا خوینێ نابن و مەترسییا بلندبوونا فشارێ ل دەڤ زۆربەیا کەسان زێدە ناکەت، ب تایبەتی ل دەڤ خانمێن کو جگارەیا ناکێشن.
چەندین ڤەکۆلینان دیار کرییە کو ئەگەر کافایین ب ڕێژەیەکا گونجایی بهێتە بکارئینان، چو مەترسییێن مەزن بۆ سەر فشارا خوینێ نینن” زانا هەتا نوکە ژی د ڤەکۆلینان دانە داکو بزانن کا بۆچی ڤەخوارنا بەردەوام یا قەهوێ نابیتە ئەگەرێ بلندبوونا فشارا خوینێ.
مەترسییێن کافایینێ چنە؟
کافایین ئەگەر ب ڕێژەیەکا ناڤنجی بهێتە ڤەخوارن، چو زیان بۆ ساخلەمییا گشتی نینن، بەلێ ڤەخوارنا پتر ژ 400 ملیگرامان د رۆژەکێ دا، ڕەنگە مەترسییا تووشبوون ب کاریگەرییێن نەرێنی زێدە بکەت” ئەو کەسێن کو رانەهاتینە ل سەر ڤەخوارنا قەهوێ، پتر تووشی نیشانێن خراب دبن.
