ناڤەندا ڕاگەهاندنا هێزێن سووریا دیموكرات ( هەسەدە ) دڕاگەهاندنەكێدا دیاركر، سەرباری ئاگربەستێ، گرۆپێن حكومەتا دیمەشقێ ل سەر هێرشێن خۆ بۆ هێزێن وان ل عەین عیسا، شەداد و ڕەققە د بەردەواون.
هەسەدێ ئاماژە ب هندێ دا، نوكە پێكدادانەكا تووند دناڤبەرا هێزێن وان و گرۆپێن حكومەتا دیمەشقێدا ل دەوروبەرێن زیندانا ئەقتان ل ڕەققە هەیە، دەستەسەركرییێن ڕێكخراوا تیرۆرستییا داعشێ د وێ زیندانێدانە، ئەڤەژی پێكهاتەكا گەلەكا مەترسیدارە، لەوما ئەو بۆ ڕایا گشتی دووپات دكەن، ئاستێ گەفان ب شێوەیەكێ بەرچاڤ بەرەڤ بلندبوونێیە، ئەڤ پێشهاتە مەترسییەكا مەزنن و دێ بنە گەف ل سەر سەقامگێرییێ و ڕێ بۆ ڤەگەراندنا تیرۆرێ خۆش دكەن.
هەسەدێ دیاركر، ئەو ڤێ ڕاستییێ د ئێخنە بەردەم ڕایا گشتی، لایەنێن هێرشكەر ب تمامی ب بەرپرسیارێن هەر ئەنجامەكێ كارەساتبار دزانن.
هەسەدە: سەرباری ئاگربەستێ، هێرشێن دیمەشقێ بۆ سەر هێزین مە د بەردەوامن
