پیتەر گالبرەیس: دڤێت مافێن كورد و پێكهاتەیێن سوورییێ د دەستووری دا بهێنە پاراستن

سیاسەتمەدار و دبلۆماتكارێ ئەمریكی، پیتەر گالبرەیس راگەهاند، هنارتییێ تایبەتێ سەرۆكێ ئەمریكا بۆ سوورییێ چو ئەزموون نینن و بێی كو بزانیت “ئەحمەد شەرع” كییە پشتەڤانییا وی دكەت” هەروەسا د درێژاهییا دیرۆكێ دا ئەمریكا چەندین جاران خیانەت ل كوردان كرییە، لەوما دڤێت كورد ل سوورییێ پشت ب ئەمریكا نەبەستن.

پیتەر گالبرەیس گۆت ژی: رۆلێ ئەمریكا ل سوورییێ یێ هاریكار نەبوویە و تۆم باڕاك، هنارتییێ تایبەتێ سەرۆكێ ئەمریكا بۆ سوورییێ، ب تنێ د كاری خانوبەران دا شارەزایە و چو ئەزموون د سیاسەتێ دا نینن.”

زێدەتر گۆت: “تۆم باڕاك بێی كو بزانیت ئەحمەد شەرع كییە پشتەڤانییێ لێ دكەت، د دەمەكێ دا هەر ئەحمەد شەرع و ڕژێما وی بوون هێرش كرییە سەر عەلەوی و دروزان و ب هزاران كەس ژ وان كوشتینە” نوكە ژی هێرشی سەر كوردان دكەن” پرانییا پێكهاتەیان ژ لایێ ڤێ ڕژێمێ ڤە دهێنە بندەست كرن، بەلێ هێشتا ترەمپ و تۆم باڕاك پشتەڤانییا ڤێ ڕژێمێ دكەن.”

گاڵبرەیس دیار كر: خیانەتا ئەمریكا ل كوردان تشتەكێ نوو نینە و كوردان دیرۆكەكا تال دگەل خیانەتێن ئەمریكا هەیە” هەروەسا “خیانەتا ئەمریكا ل كوردان هەر ژ سەردەمێ هێنری كیسینجەر ل سالا 1975ێ هەبوویە هەتا سالا 2019ێ كو دۆنالد ترەمپ ل سوورییێ ل كوردان كری.”

ل دووماهییێ گۆت: دڤێت کورد ل سووریێ پشت ب خۆ ببەستن، نابیت چاڤێ وان ل ئەمریكا بیت، چونكی ئەڤ ئیدارەیا نوكە یا ئەمریكا جهێ باوەرییێ نینە” ئەو خودان ژێدەرێن خۆ نە، ل شوونا گوھ بدەنە ئەمریكا، بلا مفایى ژ ژێدەرێن خۆ وەربگرن.”