<h2>ئەمریكا د بریارەكا بلەزدا گرتییێن داعشێ ژ سووریا بۆ عیراقێ ڤەگۆهاستن، ئەڤێ چەندێ كارڤەدانێن مەزن ل دووڤ خۆ ئینان، بابەت یێ شێلییە، گەلەك بۆچوون هەیە، هندەك دبێژن بۆ سووریا باشە، هندەك دبێژن بۆ عیراقێ، لێ پتریا چاڤدێر و كەسایەتییێن سیاسی وەسا دبینن:</h2> <h2>* ئەمریكا دڤییا گۆرەپانا سووریا بۆ خۆ ژ چەكدارێن داعشێ ڤالا بكەت و مەترسییا وێ ل سەر خۆ نەهێلیت.</h2> <h2>* ڕۆلێ هەسەدێ د زێرەڤانیكرنا گرتییێن داعشێدا نەهێلیت، ئەركێ وێ ب هەموو شێوەیان ب دووماهی بینیت.</h2> <h2>* دنوكەدا حكومەتا سووریا ئەو شیانێن لەشكەری نینن زێرەڤانییا داعشا بكەت.</h2> <h2>* ئەمریكا و سووریا دڤێتن ڕەوشا عیراقێ تێك بدەت، عیراقێ ب ڤان داعشانڤە مژویل بكەت، دادگەهان پێ بكەت و ببیتە سەرگێژییەك بۆ وێ، ب ڤێ چەندێ سووریا دێ بۆ دەمەكێ درێژ ژ عیراقێ دووركەڤیت و شێت خۆ رێك ئێخیت.</h2> <h2>ژلایەكێ دیڤە عیراقێ دڤێت دڤێ قووناغێدا دەستهەلاتا خۆ نیشان بدەت و دیاربكەت:</h2> <h2>* دەولەتەكا بهێزە دشێت سەرەدەرییێ دگەل بابەتێ تیرۆرێ بكەت، سەربوور دڤی بیاڤیدا هەنە.</h2> <h2>* وەلاتەكێ خۆدان بریارە، ب دووڤ بریارێن چ دەولەتێن ژ دەرڤە ناكەڤیت، دشێت نە ب تنێ دلایەنێ لەشكەریدا، بەلكو دلایەنێ سیاسی ژیدا ب دژی داعێ ب ڕاوەستیت.</h2> <h2>* عیراقێ دڤێت بارگرانییێ ل سەر دەولەتێن هەڤپەیمان كو 82 دەولەتن كێم بكەت، كو ئەو بەرپرسیارەتییا پاراستنا داعشێ و ئەو پارەیێ لێ دهێتە مەزاختن ب ستوویێ خۆڤەبگریت.</h2> <h2>* عیراقێ دڤێت ب ڤێ ڕێكێ بۆ ئەمریكا دیار بكەت كو، ئەوژی پشكەكا شەرێ دژی تیرۆرێ یە، شیانێن زیندانكرنێ، دادوەری و دادگەهكرنێ هەنە، هەروەسا سەربوورەكا باش د دادگەهكرنا تیرۆرستاندا هەیە.</h2> <h2>*عیراقێ دڤێتن ئەڤان گرتییێن داعشێ وەكو كارتەك بۆ دانوستاندنان دگەل كۆمەلگەها نێڤدەولەتی بكاربینیت و پشتەڤانییا وان بۆ خۆ بینیت، عیراقێ دڤێت ب ڕێكا ڤان گرتییان ئەو فشارا كەڤتییە سەر حەشدا شەعبی كێم بكەت.</h2> <h2>* ئەو گرۆپێن داعشێ ب ڕەڤن و بهێنە سەر سنوورێ عیراقێ و جارەكادی ببنە گەف ل سەر ئێمناهی و ئاسایشا وێ، كو دێ ب ڤێ ڕێكێ وێ مەترسییێ ژ خۆ دوورئێخیت.</h2> <h2>* عیراق دێ ب ڤان داعشان بۆ وەلاتێن هەڤپەیمان دیاركەت كو پشكەك ژ ستراتیجییا وێ ل دەڤەرێ، یا رازییە خۆ ژ ئیرانێ دووربێخیت و پتر خۆ نێزیكی ئیسرائیلێ بكەت و پشتەڤانییەكا سەربازی یا ئەمریكا بۆخۆ بكێشیت.</h2> <h2>* عیراقێ دڤێت ب رێكا ڤان گرتییان، بابەتێ داعشێ نەبیتە بابەتەكێ نێڤدەولەتی، داكو نهێنییێن وەلاتێن هەرێمی ئاشكرانەبن، وەكو تركییا و ئیرانێ كو ئەڤان وەلاتان پشتەڤانییەكا مەزن ل دامەزراندنا داعشێدا كرییە.</h2> <h2></h2> <h2><strong>د. سەردار رەمەزان ئەترووشی</strong></h2> <h2><strong>شرۆڤەكارێ سیاسی</strong></h2>
