نوری مالکی، سەرۆکێ هەڤپەیمانیا دەولەتا قانوونێ، د پەیامەکێ دا ب توندی دژی “دەستێوەردانا ئاشکرا” یا ئەمریکا ڕاوەستیا و ڕاگەهاند کو ئەڤ چەندە ب بنپێکرنا سەروەرییا عێراقێ دهێتە هژمارتن” مالکی دوپاتکر کو ئەو ژ کاندیدبوونا خۆ بۆ پۆستێ سەرۆکوەزیران لێڤە نابیت.
مالکی دیار کر کو دەستێوەردانێن ئەمریکا ل دژی سیستەمێ دیمۆکراتییێ عێراقێنە و دەستدرێژییە بۆ سەر بڕیارێن “چارچوڤێ هەماهەنگیێ” د بەرسڤا گەفێن دۆنالد ترەمپ دا، مالکی دیار کر” پێدڤییە زمانێ دیالۆگێ د ناڤبەرا وەلاتان دا هەبیت، نەک زمانێ فەرمان و گەفان.
زێدەباری فشاران، مالکی پابەندبوونا خۆ ب بڕیارێن چارچوڤێ هەماهەنگییێ نیشان دا و گۆت” ئەو دێ بەردەوام بیت هەتا دگەهیتە ئەنجامەکی کو د بەرژەوەندیا گەلێ عێراقێ دا بیت.
مالکی ئەڤ پەیامە ل سەر هژمارا خۆ یا فەرمی ل تۆرا جڤاکییا “X” دا بەلاڤ کریە.
