“ئەڤڕۆ ب ڕێزگرتنڤە یادا شەهیدێن نەمری یێن کارەساتا ١ی شواتا ٢٠٠٤ێ دکەین” ئەو رۆژا تیرۆرستێن تاریکپەرست ل سپێدەهیا جەژنەکێ دا، ب ڕق و کینەکا ڕەش، هەردو بارەگایێن سەرەکی یێن پارتی دیموکراتی کوردستان و ئێکەتی نیشتمانی کوردستان ل هەولێرێ کرینە ئامانج، کۆمەکا سەرکردە و تێکۆشەرێن دیار و وەلاتیێن بێتاوان شەهید و بریندار کرن.
شەهیدێن ١ی شواتێ، سیمبۆلا پێکڤەژیانێ، ئێكرێزی و تێکەلبوونا خوینا رۆلێن کوردستانێ نە ژ پێخەمەتی ئازادی و سەرفرازیێ دا. ئەو د دەمەکێ دا شەهید بوون کو مژوولی پیرۆزباهیێن جەژنێ و بهێزکرنا تەبایی و خۆشەویستیێ بوون، لەوما یادکرنا وان ب تنێ بیرئینانا ئازارەکێ نینە، بەلکو جەختکرنە ل سەر وان بهایێن وان گیانێ خۆ بۆ بەخشی.
باشترین وەفا بۆ خوینا شەهیدێن ١ی شواتێ و هەمی شەهیدێن کوردستانێ، پاراستنا دەستکەفتانە، کویرکرنا گیانێ تەبایی و پێکڤەکارکرن و ئێکڕێزییا دناڤبەرا لایەنێن سیاسییە” پێدڤییە ئەڤێ یادێ بکەینە هێڤێنێ تێپەڕاندنا ناکۆکییان و کارکرن ژ بۆ ئاڤاکرنا پاشەرۆژەکا گەشتر بۆ نەڤییێن مە، کو شایستەیی قوربانیدانا شەهیدێن مە بیت.
سلاڤ بۆ گیانێ پاقژێ شەهیدێن ١ی شواتێ و هەمی شەهیدێن کوردستانێ” سلاڤ و سەربلندی بۆ کەسوکارێن وان یێن سەربلند.”
