سوپاسییا هەموو وهلاتییێن خۆشتڤییێن کوردستانێ دکەم بۆ ب دەنگ هاتنا وان یا دلسۆزانە، د کۆمکرنا هاریکارییاندا بۆ خوشك و برایێن مە ل ڕۆژئاڤاییێ کوردستانێ، ئەڤه هەلویستێ وان یێ دیرۆكییه و جهێ شانازی و پێزانینێیە.
دەستخۆشی و سوپاسییهكا تایبەت ل دەزگەهێ خێرخوازییێ بارزانی و هەموو وان ڕێکخراو، لایەن، کەسایەتی و میدیایان دکەم یێن کو ڕۆل د کۆمکرنا هاریکاری و پێدڤییاندا بۆ خوشك و برایێن مە ل ڕۆژئاڤای ههبوون، بزاڤ و ماندیبوونا وان بلند د هەلسەنگینم، كو كارهكێ نەتەوەی و نیشتیمانی ب باشترین شێوە ئەنجامدا، بێگومان ئەڤ هەلویستە دێ کارتێکرنێ ل سەر بلندبوونا هەستێ نیشتیمانپەروەری و هۆشیارییا نەتەوەی کەت.
خەلکێ خۆشتڤییێ کوردستانێ جارەکا دی ئەو ڕاستییە بۆ هەموو جیهانێ دیارکر کو گەلێ کوردستانێ د خۆشی و نەخۆشیاندا هەڤپشك، هەڤخەم وپشتا ئێكودوونه.
