د بڕگا ئێکێدا؛ پشکا بودجەی و ئەنجامێن سەرژمێرییێ دێ هێنه گۆتوبێژكرن، وەزیرێ پلاندانانێ دێ ڕاپۆرتەکێ پێشکێشکەت داکو حکومەتا فیدرال یا عیراقێ نهچار بکەت ڤێ رێژەیێ بکەتە بنەما بۆ دیارکرنا پشکا بودجەیا هەرێمێ، دووپاتی دێ ل سەر بجهئینانا وان بڕیار و ڕێککەڤتنێن سالا 2024ـێ هێتهکرن یێن هەتا نوکە بەغدا بجهـ نهئیناین.
د بڕگا دووێدا؛ بابهتێ زیندانیێن سیاسی، پەسەندکرنا ڕێککەڤتنا وەزارەتا شەهیدان و دەزگەهێ زیندانیێن سیاسییێ عیراقێ، دا كو بابهتێ زیندانی و گرتیێن سیاسی یێن هەرێمێ بهێتە ڤەگوهاستن بۆ سەر دەزگەهێ فیدرالی ل بەغدا، دا ماف و مووچەیێن وان ب هەڤشێوەییێ عیراقێ لێ بهێت.
د بڕگا سێیێدا؛ پشكا ئاهێن خوارنێ و قەرێن وەزارەتا بازرگانی، دانوستاندن ل سەر پێشنیارا وەزارەتا بازرگانی ل دۆر پارەیێ پشكا ئاهێن خوارنێ یا هەیڤانەیا وەلاتییان، دیتنا چارەسەرییەکێ بۆ ئاریشهیا وان پارەیێن کو ل سەر سالێن 2004 ههتا 2022ـێ کۆمبووین و نەهاتینەدان.
