د بەردەوامییا دیدارێن خۆدا ل كۆنفرانسێ ئاسایشا میۆنش، نێچیرڤان بارزانی سەرۆكێ هەرێما كوردستانێ دگەل شێخ محەمەد بن عەبدولرەحمان ئال سانی، سەرۆكوەزیران و وەزیرێ دەرڤە یێ قەتەر كۆمبوو.
د كۆمبوونا واندا دووماهی پێشهاتەیێن سیاسی و ئەمنی یێن دەڤەرێ و ئالۆزی هاتنە گوتوبێژكرن، هەردوو لایان دووپاتی ل گرنگییا پاراستنا ئارامی و سەقامگێرییا ڕۆژهەلاتا ناڤین كر، ل سەر پێدڤییا بزاڤێن نێڤدەولەتی بۆ ڕێگرتنێ ژ بەرفرهبوونا ئاستەنگان هەڤرابوون.
دهەمان دیدار دا، هزر و بوچوون ل دۆر ڕەوشا عیراقێ و هەرێما كوردستانێ هاتنە لێكگۆهارتن، هاریكارییا هەڤپشك بۆ ڕووبرووبوونا ئاستەنگێن ئەمنی و دابینكرنا ئاشتییێ ل دەڤەرێ ب پێدڤی و گرنگ زانی.
