“پاراستنا زمانێ دایکێ، پاراستنا ناسنامە و پاشه‌رۆژا کوردستانێ یه‌”

نێچیرڤان بارزانی، سەرۆکێ هەرێما کوردستانێ ب هه‌لكه‌فتا ڕۆژا جیهانییا زمانێ دایکێ ڕاگه‌هاندنه‌ك به‌لاڤكر.

دەقێ ڕاگەهاندنا سه‌رۆكێ هەرێما کوردستانێ؛

د ڕۆژا جیهانییا زمانێ دایکێدا، ئەم شانازییێ دکەین کو هەرێما کوردستانێ لاندکا فرەهی و پێکڤەژیانا پێکهاتەیێن نەتەوەیی، ئایینی، زمان و که‌لتوورێن جودا جودایە.

ئەم پابەندییا خۆ ب بەرەڤ پێشڤه‌برن و گەشەپێدانا زمانێ دایکێ بۆ هەموویان دووپات دکەین، ژ زمانێ کوردی بگرە هه‌تا زمانێ پێکهاتەیێن نەتەوەیی (تورکمانی، سریانی و ئەرمەنی).

پاراستنا زمانێ دایکێ، پاراستنا ناسنامە و دیرۆكا دەولەمەند و پاشەڕۆژا کوردستانێ یە.

نێچیرڤان بارزانیسەرۆکێ هەرێما کوردستانێ