هیومان رایتس وۆچ: چارەنڤیسێ پتر ژ هەشت هزار دەستەسەرکریێن کەمپا هۆلێ نەیێ دیارە

رێکخراوا هیومان رایتس وۆچ، هۆشداریێ ددەت ل دۆر چارەنڤیسێ نەدیار یێ نێزیکی هەشت هزار و 500 دەستەسەرکرییان، پشتی بڕیارا دائێخستنا کەمپا هۆلێ و ڕاگەهاندنا نێزیکبوونا دائێخستنا کەمپا “رۆژ” ل باکورێ رۆژهەلاتێ سوورییێ.
وێ رێکخراوێ د راپۆرتەکێ دا بەلاڤکرییە، کو هەردو کەمپێن هۆل و رۆژ هەتا ناڤەراستا مەها کانوونا دووێ یا بورى، نێزیکی 28 هزار کەس تێدا بوون، ژ وان ژی، پتر ژ 12 هزار کەسان بیانی بوون و خەلکێ پتر ژ 60 وەلاتێن جودا نە، زێدەباری هزاران وەلاتیێن عیراقی.
ئادەم کووگل، جێگرێ ڕێڤەبەرێ پشکێ ڕۆژهەلاتا ناڤێن ل وێ ڕێکخراوێ ڕاگەهاند: بەهانەیا هندەک ژ حکومەتان بۆ هندێ کو دانوستاندنان ل گەل لایەنەکێ نه‌حکومی یا ب زەحمەتە، ئێدی چ بەهانە بۆ نینن، گۆت ژی: حەفت سال دەمەکێ گەلەک درێژە بۆ پاشخستنا ڤەگێڕانا وەلاتییان بۆ وەلاتێن وان.”