مەشعان جبووری، پەرلەمانتارێ بەرێ یێ عیراقێ و کەساتییێ دیارێ سیاسییێ عەرەبێن سوننە، پەردە ل سەر قەبارەکێ مەزن یێ گەندەلی و قۆرخکاریێ ل عیراقێ ب گشتی و پارێزگەها سەلاحەددین ب تایبەتی لادەت.
ب گۆتنا وی، پرۆسا سیاسییا عیراقێ د بنەڕەت دا ل سەر بنیاتێ “خاپاندنێ” هاتییە ئاڤاکرن، نوکە لایەنێن خودان شیان ب شێوەکێ بێ وێنە سەرمایێ گشتی ب هەدەر ددەن؛ ب رەنگەکێ وەسا کو پڕۆژێن تێچوونا وان ب تنێ 10 ملیار دینارن، ب 100 ملیار دیناران دهێنە ئەنجامدان.
جبووری پارزینگەها بێجی ب “پارێ مەزن” بناڤ دکەت و دبێژیت:
راستە ئەو پارزینگەهە کەفتییە كار و پشکەکا مەزن یا پێدڤیێن عیراقێ دابین دکەت، بەلێ هندەك هێز هەنە کۆنترۆلا دۆسیەیا ئاڤەدانکرن و بەلێندەران کریە.
هەروەسا جبووری، بۆ رۆژناما (ئەلمەدا) یا عیراقی، ئاشکرا کر: کو پڕۆژە ب شێوێ “بجهئینانا ئێکسەر” ددەنە کۆمپانییان، و لایەنێ بالادەست بخۆ دیار دکەت کا کی دێ مفایی ژێ وەرگرت و گۆت ژی: هندەک پڕۆژە هەنە کو تێچوونا وان 10 ملیارن، ب 100 ملیاران دهێنە چێکرن.
