نێچیرڤان بارزانی و وەزیرا دەولەتا ئەلمانیا بۆ کاروبارێن دەرڤە کۆمبوون

ئەڤرۆ چارشەمبی 2026/2/25، نێچیرڤان بارزانی، سەرۆکێ هەرێما کوردستانێ، پێشوازی ل د. جێزا ئەندریاس ڤۆن گایەر، وەزیرا دەولەتا ئەلمانیا بۆ کاروبارێن دەرڤە و شاندەکێ ل گەل دا کر.
د کۆمبوونەکێ دا، پێشخستنا پەیوەندیێن ئەلمانیا ل گەل عیراقێ و هەرێما کوردستانێ، دووماهی پێشهاتێن رەوشا سیاسییا عیراقێ و هەرێما کوردستانێ، پەیوەندیێن هەولێر و بەغدا و رەوشا دەڤەرێ هاتنە گەنگەشەکرن.
شاندێ مێهڤان دوپاتکر کو ئەلمانیا ب گرنگیڤە تەماشەیی سەقامگیریا عیراقێ و هەرێما کوردستانێ دکەت و حەزا وەلاتێ خۆ بۆ بەردەوامیا هاریکاریا هەڤپشک د وارێن جودا دا دەربڕی.
نێچیرڤان بارزانی سوپاسیا هاریکاری و پشتەڤانیێن ئەلمانیا بۆ هەرێما کوردستانێ د هەموو واران دا کر، هەروەسا تەكەزی ل سەر گرنگییا چارەسەرکرنا ئاشتیانە یا کێشان و پاراستنا تەناهییا دەڤەرێ کرەڤە.
گەف و مەترسیێن داعشێ، رەوشا سوورییێ و چەند پرسێن هاتنە بەحسكرن.