<h2>سەقاناسییا هەرێما كوردستانێ ڕاگەهاند، پێلەكا بارانبارینێ دێ هەرێما كوردستانێ ڤەگریت، هەتا سوبەهی یا بەردەوامبیت.</h2> <h2> سەقاناسییا هەرێما كوردستانێ دیاركر، ل نیڤرۆیا ئەڤرۆ پێنجشەمبی بارانەكا كێم ل سنوورێ پارێزگەها دهۆكێ و ئیدارەیا سەربەخۆ یا زاخۆ دێ باریت، پاشان كارتێكرنا وێ دێ درێژبیت و گەهیتە سنوورێ پارێزگەها هەولێر و ئیدارەیا سۆران، ب شەڤێ ڕێژەیا بارینێ دێ زێدەتر لێهێت و ل پتریا دەڤەرێن هەرێما كوردستانێ باران دێ باریت. سەبارەت پارێزگەها دهۆكێ ئاشكراكر، پێشبینی دهێتە كرن 10 هەتا 15ملم بارانێ ب بارن، سوبەهی پلەیێن گەرمێ بەراورد دگەل ئەڤرۆ، دێ چار بۆ پێنج پلەیان داكەڤن و بیتە 10 پلە، ل زاخۆژی دێ بیتە 12 پلە.</h2>
