ب هەلكەفتا 35 سالییا ڕاپەڕینا مەزنا گەلێ كوردستانێ، سەرۆك مەسعود بارزانی پەیامەکا پیرۆزباهییێ ئاراستەی خەلکێ کوردستانێ و پێشمەرگەیێن قارەمان و خێزانێن سەربەرزێن شەهیدان کر.
سەرۆك بارزانی د پەیاما خۆ دا ڕاگەهاند، کو ڕاپەڕین بەرهەم و بەردەوامییا خەبات و قوربانیدانا دەهان سالان یا جەماوەر و هێزێن تێکۆشەرێن کوردستانێ بوو. ئاماژە ب وێ یەکێ ژی کر کو ئەڤ ڕاپەرینە بۆ هەر تاکەکێ کوردستانی د نوکە و پاشەڕۆژێ دا، هەلگرێ پەیاما “خۆنەچەماندن”، “ئازادیخوازی” و ئیرادەیا ژیانەکا سەربەرزانەیە.
هەروەسا سەرۆك بارزانی بەحسێ ڕەوشا هەستیار یێ دەڤەرێ کر و گۆت: “ئەم هیڤیدارین هەموو ئاریشە و ناكۆكی ب ڕێكێن ئاشتیانە بهێنە چارەسەرکرن.” هەروەسا دووپاتی ل سەر وێ یەکێ کر کو هەرتشتەكێ د شیانێن وان دا بیت دێ کەن دا کو کوردستان ژ شەڕی دویر بیت و ب پاراستی بمینیت.
