<h2>تۆرا نووچەیی یا "ئاكسیۆس" هووركارییێن پلانێن هەڤپشك یێن ئەمریكا و ئیسرائیلێ ل دژی بەرنامێ ئەتۆمى و ئابۆرییێ ئیرانێ ئاشكرا دكەت، كو هنارتنا هێزێن تایبەت و دەستەسەرکرنا کێلگەهێن نەفتێ بخۆڤە دگریت.</h2> <h2> سایتێ "ئاكسیۆس" یێ ئەمریكى، ژ زارێ چەند ژێدەرێن ئاگەهدار و بەرپرسێن بلندێن ئەمریكا و ئیسرائیل بەلاڤكر كو هەردو وەلات د ئاستەكێ بلند دا گەنگەشا بژاردەیا سەربازى یا ڕاستەوخۆ د ناڤ ئاخا ئێرانێ دا كرییە.</h2> <h2> لدووڤ وێ ڕاپۆرتێ، ئێك ژ تەوەرێن سەرەكى یێن دانوستاندنان هنارتنا هێزێن ئۆپەراسیۆنێن تایبەت بوویە بۆ ناڤا ئیرانێ، ب مەرەما دەستەسەرکرنا وان کۆگەهێن کو یۆرانیۆما ب ڕێژەکا بلند پیتاندی تێدا هاتییە پاراستن، ئارمانج ژ ڤێ چەندێ ڕێگریكرنە داکو ئیران وی یۆرانیۆمێ بۆ دروستكرنا چەکێ ئەتۆمى بكارنەئینیت.</h2> <h2> ئیدارا ئەمریكا بۆ سەرەدەریكرنێ دگەل وی یۆرانیۆمێ دەستەسەركرى، دو بژاردە لێكۆلین ل سەر كریە:</h2> <h2> ڤەگوهاستنا تەمامیا یۆرانیۆمێ پیتاندی بۆ دەرڤەیی ئاخا ئیرانێ.</h2> <h2> ئینانا شارەزایێن ئەتۆمى بۆ ناڤ کۆگەهان داکو ل وێرێ یۆرانیۆمی شل بکەن و مەترسییا وێ نەمینیت.</h2>
