دوهی هێرشێن ئەمریکا و ئیسرائیلێ بۆ سەر تەهرانێ کێمتر ببوون ب هەڤبەركرن ل گەل رۆژێن پێشتر، بەلێ ژێرخانا وزە و سووتەمەنیا ئیرانێ هاتە ئارمانجکرن، قەرارگەها (خاتەمولئەنبیا) یا ئیرانی دبێژیت، ئەگەر هێرشکرن ل سەر ژێرخانا وزەیا ئیرانێ یا بەردەوام بیت، ئەو ژى دێ ژێرخانا وزێ ل وەلاتێن دى دێ کەنە ئارمانج، ب ڤێ چەندێ ژى دێ بهایێ نەفتێ گەلەک بلند بیت.
د رۆژا نەهێ یا شەرێ ئەمریکا و ئیسرائیلێ دگەل کۆمارا ئیسلامیا ئیرانێ دا، د ناڤ باژێڕێ تەهرانێ و دەوروبەرێن وێ دا، هژمارەکا ئارمانجێن سەربازی ب فرۆکە و مووشەکان هاتنە بۆمبەبارانکرن، بەلێ سەرنجا هێرشان پتر ل سەر کەرتێ وزێ و کۆگەهێن نەفت و سووتەمەنیێ بوو.
