ب ناڤێ خودێ یێ مهزن و دلۆڤان
ڕێککەفتنا 11ـێ ئادارێ بەرهەمێ شۆڕەشا ئەیلوولێ ب ڕێبەرایەتییا بارزانیێ نەمر و خەبات و قوربانیدانا پێشمەرگەی و هەموو چین و توێژێن کوردستانێ بوو. بەرهەمێ وێ خەباتا ب هێز و سەرتاسەری بوو یا کو د پێخەمەت زڤراندنا مافێن گەلێ کوردستانێ و ب دەستڤەئینانا دیمۆکراسیێ ل عیراقێ دەستپێکری، و ل دووماهییێ حکومەتا وی دەمی یا عیراقێ نەچارکر ب شێوەیەکێ فەرمی دانێ ب پشکەك ژ مافێن گەلێ مە دا بنیت.
د پێنجی و شەش سالیادا ڕێککەفتنا 11ـێ ئادارێدا، مە پێزانین بۆ تێکۆشان و ماندیبوونا هەموو وان پێشمەرگە و شۆڕشگێڕ و نیشتیمانپەروەرێن شۆڕەشا ئەیلوولێ هەیە، یێن کو ب ماندیبوون و قوربانیدانا خۆ دەستکەڤتێ دیرۆکی یێ ڕێککەفتنا 11ـێ ئادارێ بۆ گەلێ مە مسۆگەر کری. د ڤێ ڕۆژێدا، دووپاتییێ ل سەر پاراستنا دەستکەفتان و پەیاما ئاشتیخوازانە و پێکڤەژیانا گەلێ کوردستانێ دکەین، سلاڤ بۆ ڕۆحا شەهیدێن شۆڕەشا ئەیلوولێ و هەموو شەهیدێن کوردستانێ د هنێرین.
