مەسرور بارزانى، سەرۆكێ حكومەتا هەرێما كوردستانێ، پەیامەكا پيرۆزباهيیێ ئاراستەیى پاتريارك مار پۆلسێ سێيێ نۆنا كر، ب هەلكەفتا هەلبژارتنا وى وەك پاترياركێ نوو يێ كەنیسەیا كلدانى ل جيهانێ.
د پەیاما سەرۆكێ حكومەتێ دا هاتییە:
ب هەلكەفتا هەلبژارتنا هەوە ب پاترياركێ نوو يێ كەنیسا كلدانى ل جيهانێ، گەرمترين پيرۆزباهييان ل هەوە دكەين و هيڤيا سەركەفتنێ د ڤى ئەرك و بەرپرسيارەەتييا مەزن دا بۆ هەوە دخوازين.
هەرێما كوردستانێ، شانازيیێ ب پێگەهێ خووشك و برايێن كلدان و هەموو كريستيانێن كوردستانێ دكەت و تەئكيدێ ل سەر پابەندبوونا مە يا نەگۆهور بۆ ب هێزكرنا كلتۆرێ پێكڤەژيانا ئاشتييانە د ناڤبەرا پێكهاتەیێن جودا يێن هەرێما كوردستانێ دا دكەينەڤە.