محەمەد شیاع سوودانی، سەرۆکوەزیرێن عیراقێ د هەلکەفتا 38 سالییا ئهنفالێدا پەیامەك بهلاڤكر و ڕاگەهاند، ئهنفال تاوانهكا ڕەگەزپەرستانە بوو کو ژلایێ ڕژێما دیکتاتۆر یا ژناڤچووی و باندێن وێ یێن تاوانکار دژی گەلێ مە یێ کورد هاتیە كرن، گەلێ کوردێ ئاشتیخواز بهرههنگاری کوشتن و ئەشکەنجەدانێ بوو، هەموو بهایێن مرۆڤی و قانوونی هاتبوونە بەزاندن.
سەرۆکوەزیرێن عیراقێ دیاركر، ئەڤرۆ شانازییێ ب ئێکڕیزییا وەلاتێ خۆ و برایەتییا پێکهاتە و نەتەوەیێن جودا دچارچووڤێ سیستهمەکێ دیموکراسی و دەستووریدا دکەن، هەموو عیراقی ب ئازادی و بێ جوداهی دژین.
