پشتی ڤەکرنا ئەسمانێ عێراقێ، ڕۆژانە ل هەردو فڕۆکخانێن هەولێر و سلێمانییێ نێزیکی 15 گەشتێن ئەسمانی دهێنە ئەنجامدان” ل فڕۆکخانا کەرکووکێ ژی هەتا نوكە گەشتان دەستپێنەکرینەڤە.
ل دووڤ سایتێ فڕۆکخانا نێڤدەولەتییا هەولێرێ، ئەڤڕۆ ژ دەمژمێر 02:00ی سپێدێ هەتاکو دەمژمێر 05:00ی ئێڤاری، 13 گەشتێن ئەسمانی دێ هێنە ئەنجامدان؛ ژ وان ژی شەش گەشتێن چوونێ و حەفت گەشتێن هاتنێ نە.
گەشتێن چوونێ ژ فڕۆکخانا هەولێرێ ئەڤڕۆ دێ بۆ ڤان فڕۆکخانا بن : عەممان، دۆسلدۆرف، شاریقە، دوبەیی، ئیستانبول و بەغدا.
هەروەسا گەشتێن هاتنێ بۆ فڕۆکخانا نێڤدەولەتییا هەولێرێ دێ ژ ڤان باژێران بن: هانۆڤەر، شاریقە، عەممان، دوبەیی، دۆسلدۆرف و ئەنتالیا.
ل فڕۆکخانا نێڤدەولەتییا جەلال تالەبانی ل سلێمانیێ ژی سێ گەشتێن ئەسمانی هەنە.