قال الله تعالى: {وَلَقَدْ كَرَّمْنَا بَنِي آدَمَ …..}

مزگەفت ئێکە ژ مەزنترین و پیرۆزترین جهـ د ئیسلامێ دا.

مزگەفت ل دەستپێکا ئیسلامێ و د چەرخێ پێغەمبەرێ مە (محەمەد) (سلاڤێن خودێ ل سەر بن) دا، نە بتنێ جهێ نڤێژکرنێ بوو، بەلکو جهەکێ زیندیكرنا جڤاکی، پەروەردەیی و مرۆڤایەتیێ بوو.

ئەڤە هندەک ژ وان رەهەندێن گرنگن یێن کو مزگەفتێ رۆلێ خۆ د خزمەتا مرۆڤایەتیێ دا دبینیت:

1- مزگەفت وەک ناڤەندەکا زانستی و رەوشەنبیری:

مزگەفتێ د ئافاکرنا ئاواز و هزرا مرۆڤایەتیێ دا، رۆلەکێ مەزن دیتيیە، ب تایبەت ل ناڤ کوردستانی دا ل هەر چار پارچا و هەر جهەکێ کورد لێ بن، د پێشئێخستنا هزرا مرۆڤی و نشتیمانی و نەتەوەیی.

مزگەفت نە بەس بۆ خواندنا قورئانێ و فەرمودیت پێغەمبەری بوو (سلاڤێت خودێ ل سەر بن)، هەمی جورێت زانستی لێ د هاتنه خواندن.

– گەهاندنا پەیا‌ما خودێ و پێغەمبەرێ وێ (سلاڤێت خودێ ل سەر بن)، چ پەيام یا سیاسی بیت یان جڤاکی یان ژی هەر جورە پەيامەک بیت، مفاییبیت ژ بۆ مرۆڤایەتیێ و ببيته هوکارەک بۆ هشيارکرنا جڤاکی.

2- مزگەفت وەک ناڤەندەکا جڤاکی ژ بۆ هەمی مرۆڤان بێ جياوازي د ناڤبينا نەتەوە و ئاینان دا:

د سەردەمێ پێغەمبەری دا، مزگەفتێ جهێ کومبوونا بوو بۆ هەمی تاکێن جڤاکی، بێ جوداهی.

– پێشوازیکرنا مێهڤانان، مزگەفتێ پێشوازیکرنا دەستە و وەڤدان و مێهڤانان بوو، ئەڤ مێهڤانیت دەرڤەی باژێری، گەلەک جاران د هاتنه ده‌ڤ پێغەمبەری (سلاڤێت خودێ ل سەر بن)، ناهێنه هەژمارێ ژ بۆ ئیمزاكرنا سوز و پەیمانان دناڤبەرا هەر دوو لایاندا، ژ وانا بنی سەقیف بۆ، دڤێت ئەم رۆلێ خو ببینن بۆ هەر جورە مێهڤانەكێ هەرچەند یێ ساخ بیت یان مری، مینا غەزالێ و هەر مرۆڤەکێ دی بیت، مخابنی ڤە رۆلێ مزگەفتێ یێن سنۆدارکریە بۆ هەر مەره‌مەکی بیت.

– چارەسەرکرنا ئاريشەیان، مزگەفت د ناڤاستاندنی و چارەسەرکرنا ئاريشێت خێزانی و جڤاکی و سیاسی بوو، د ڤێت ڤێگاڤێ ژی رۆلی ببینیت.

– مزگەفت جهێ گەهاندنا هاریکاریا بۆ ئەو کەسێت هەژار و کێم دەرامەت و دەست کورت، د ڤێت مزگەفت ئەڤرو ژی هەمان رۆلی ببینیت ب تایبەت د جڤاکێ مە یێ کوردی دا.

3- مزگەفت پەناگەهەکەک ژ بۆ مرۆڤایەتیێ:

– د ديرۆکا ئيسلامێ دا مزگەفت پەناگەهەکەک هەبوو بۆ مرۆڤان بێ جياوازي، ب تایبەت د دەمێت پێدڤیدا بوان مرۆڤا بیت د ڕەوشێن بزەحمەت دا دەروازدبن، مینا نەخۆشيت خەمۆکی یان بۆ دەمێت مرنێ و هەر نەخۆشیکێ دا بیت.

– مزگەفت جهەکە د ڤێت هەمی مرۆڤ تێدا هەست ب ئارامیێ و خۆشیێ بکه ن، جونکە جهێ ناڤبەرا مرۆڤی و خودێ دایه، نه بیته جهێ نەڤەحەواندنا ساخ و مریا چونکە مزگەفت د جڤاکێ مە یێ موسلمانی کورد دا جهێ ئاشتیێ و خزمەتێ یه بۆ هەرکەسەکی.

– هەروەسا د جيهانا ئەڤرو دا ژی ئەم د شین دیسا ڤی رۆلی ب درستی بگەهینن، مزگەفتێ بکه ینه جهەکی ئاڤاکەر بۆ پێکڤەژیانی و بکه ینه پەناگەهەک بۆ جڤاکێ مە یێ کوردستانی، چونکی مزگەفت د ناڤەڕۆکا خودا رێزێ ل کرامەتا مرۆڤان د گریتن، ژ بەر کو (مرۆڤ خەلیفەیێ خودێ یه ل سەر ئەردی) { وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً….}.

– جهێ حەیف و شەرمە ئەڤینی یه ئەڤرو مزگەفتێ ب هەمی رەهەندیت خوفه نەبیته جهێ خزمەتێ بۆ ساخ و مرييت مه مینا کچا کورد شەهید غەزال مەولا.

مەلا خدر شێخ ئیسلام بەرگارەیی