سەرۆكێ ئەمریكا ئامادەباشیا سوپایێ وەلاتێ خۆ بۆ هێرشكرنا ل سەر ئێرانێ دیار كر هەكە رێكنەكەڤن، هەڤدەم پێشبینی دكەت كو تەهران نەچار ببیت شاندەكی بۆ دانوستاندنێ ب هنێریت و ل دووماهییێ بگەهنە ڕێككەفتنەكا مەزن.

ئەڤڕۆ سێشەمبی، 21ێ نیسانا 2026ێ، دۆنالد ترەمپ، سەرۆكێ ئەمریكا د لێدوانەكێ دا بۆ تۆڕا “سی ئێن بی سی” ڕاگەهاند، واشنتۆن د پێگەهەكێ بهێز یێ دانوستاندنێ دایە و كێشە ل گەل ئیرانێ دێ ب ڕێككەفتنەكا مەزن ب دووماهی هێن.
ترەمپ ی گۆت ژی، تەهرانێ چ بژاردە نینن ژ بلی هنارتنا شاندەکێ بۆ دانوستاندنان.
گۆت ژی: گەلەك دەم لبەردەستێ مە دا نینە بۆ ب دووماهی هاتنا ئاگربەستێ و مە لبەر نینە درێژ بكەین.