<h2>نێچیرڤان بارزانی، سەرۆکێ هەرێما کوردستانێ پهیامهكێدا د سالڕۆژا ڕۆژنامەگەرییا کوردیدا پیرۆزباهی ل ههموو ڕۆژنامەڤان و میدیاکارێن کوردستانێ كر و دووپاتی ل سەر پێگیرییا نەگۆڕ بۆ پاراستنا ئازادییا ڕۆژنامەگەریێ و ڕادەربرینێ، وەکو بنەمایەکێ سەرەکییێ دیموکراسی و جڤاکەکێ مەدەنی یێ پێشکەڤتی كر.</h2> <h2> سەرۆکێ هەرێما کوردستانێ ڕاگههاند، ئهو دێ ل سەر کارکرنێ بۆ دابینكرنا ژینگەهەکا گونجای و دویر ژ هەر ڕێگرییهكێ بۆ کارێ میدیایی بهردهوام بن، ب شێوهكی کو مافێ دەستکەڤتنا زانیاریان یا مسۆگەر بیت و پارێزبەندییا پیشەیی بۆ ڕۆژنامەڤانان بهێتە دابینکرن.</h2> <h2> دیار ژی كر، ڕۆژنامەگەرییا ئازاد و بوێر، هەڤپشکەکێ کارایە بۆ ئاڤاكرنا حوکمڕانییەکا باش و دادپەروەر، ئهو داخوازێ ژ ڕۆژنامەڤانان دكهت ب ڕاستگۆیی و پیشهكارانه، بەرژەوەندییا گشتی و ئاشتییا جڤاکی بپارێزن، ڕۆلێ خۆ د چەسپاندنا کهلتوورێ پێکڤەژیانێ، ئێک ودووقبوولکرنێ و لێببوورینێدا بگێڕن و گیانێ نیشتمانپەروەریێ و حەژێکرنا وەلاتی پێشبێخن.</h2>
