د ماوێ دو هەیڤان دا جیهانێ ملیارەکا بەرمیلێن نەفتێ ژ دەست داینە

ئەمین ناسر، سەرۆکێ بجهئینانیێ ل کۆمپانیا “ئارامکۆ” یا سعوودی ڕاگەهاند کو جیهانێ نێزیکی ملیارەكا بەرمیلێن نەفتێ ژ دەست داینە د ماوێ دو هەیڤێن بۆرى دا، هەروەسا بازارێن وزێ پێدڤى ب دەمینە بۆ سەقامگیربوونێ، ئەگەر هات و رەوانەکرنا نەفتێ دەستپێبکەتەڤە ژی، ئەڤە ژی ژبەر پەککەفتنا بزاڤا کەشتیاریێ ل تەنگئاڤا هورمز ژبەر ئالۆزیێن بارکرنێ.
ئەڤرۆ ئێکشەمبی، 10ی گولانا 2026، ئەمین ناسر پشتى کو ئارامکۆ بلندبوونا قازانجێن خۆ ب ڕێژا %25 د چارەیا ئێکێ دا ڕاگەهاندى، گۆت: “ئارمانجا مە یا سادەیە، ئەو ژى دەستەبەرکرنا بەردەوامییا رەوانەکرنا وزێ یە، ب تنێ د بن وان فشارێن کو سیستەم د ناڤ دا دەرباز دبیت.