نێچیرڤان بارزانی پیرۆزباهی ل نامۆ فازلی كر

نێچیرڤان بارزانی، سەرۆکێ هەرێما کوردستانێ پیرۆزباهی ل نامۆ فازل، یاریزانێ هونەرێن شەری یێن تێکەل كر.

سەرۆکێ هەرێما کوردستانێ د پۆستەکێ دا ل تۆڕا جڤاکییا ئێکس (X) دبێژیت: دەستخۆشی و پیرۆزباهییەکا گەرم ل قەهرەمانێ نێڤدەولەتی، گەنجێ بسپۆر و ب شیان یێ کورد نامۆ فازلی دکەم بۆ وێ سەرکەفتنا مەزن ئەوا د یارییا هونەرێن شەری یێن تێکەل (MMA) دا ل ئەمریکا ب دەستڤە ئینایی. هیڤییا بەردەوامی و سەرکەفتنا پتر بۆ وی دخوازم.

ل سپێدەهییا ئەڤرۆ ئێکشەمبی، نامۆ فازل د یارییا خۆ یا MMA دا ل باژێرێ لۆس ئانجلۆس ل ئەمریکا، ب ئالایێ کوردستانێ ڤە سەرکەفتنەکا مەزن ب دەستڤە ئینا.