عیراقێ پتر ژ 40 هزار تەنێن برنجی ژ ئەمریکا ئیناینە

کۆمپانیا گشتی یا بازرگانیا خوارنێ یا سەر ب وەزارەتا بازرگانیا عیراقێ ڤە، ئەڤرۆ ئێکشەمبی، 31 ی گولانا 2026 ێ، ڕاگەهاند کو کەشتیا (EQUINOX DREAM) ب بارێ 44 هزار تەنێن برنجێ ئەمریکی گەهشتیە بەندەرێ عەقەبە ل وەلاتێ ئوردنێ.

لەما هاشم موسەوی، ڕێڤەبەرا گشتییا کۆمپانیێ د ڕاگەهاندنەکێ دا گۆت: “پرۆسا دابینکرنا پێدڤیاتێن سەبەتەیا خوارنێ و چاڤدێریا جڤاکی لدووڤ پلانا بازارکرنێ یا سالا 2026ێ یا بەردەوامە. هەروەسا دبێژیت: “ئەم کار دکەین بۆ مسۆگەرکرنا گەهشتنا ماددێن خوارنێ بۆ هەموو پارێزگەهێن عیراقێ بێی گیرۆبوون، ب مەرەما پاراستنا جێگیربوونا ئاسایشا خوارنێ.”