دادگەها عێراقێ: دەست ب سەر ٤٠ مولک و ١٠ ملیۆن دۆلارێن بریکارێ بەرێ یێ وەزیرێ نەفتێدا هاتە گرتن
دادگەها تاوانێن بەرهنگاربوونا گەندەلیێ ل بەغدا ئەنجامێن دەستپێکێ یێن ڤەکۆلینێ د دۆسیەیا عەدنان محەمەد مەحموود، بریکارێ بەرێ یێ وەزیرێ نەفتێدا بەلاڤکرن و ڕاگەهاند، دەست ب سەر رێژەكا زۆرا پارێ کاش، زێڕ، چەک و ب دەهان مولکاندا هاتییە گرتن.
دادوەرێ ڤەکۆلینێ ل دادگەها تاوانێن بەرهنگاربوونا گەندەلیێ ئاماژە ب وێ چەندێ کر، ڤەکۆلینێن دگەل تۆمەتبارێ دەست بسەرکری (عەدنان محەمەد مەحموود) و گرووپێ وی، ئەنجامێن مەزن هەبووینە و دەست ب سەر چەندین مولک و مالێن وان و وان کەسان ژی دا هاتیە گرتن یێن کو پەیوەندی ب دۆسیەیێ ڤە هەیی.
