نێچیرڤان بارزانی: چەندین بابەتێن گرنگ دگەل تۆم باراكی دێ هێنە گوتوبێژكرن

بریارە ئەڤرۆ تۆم باراك، بگەهیتە بەغدا و دگەل عەلی زەیدی سەرۆكوەزیرێن عیراقێ كۆمبیت، سوبەهی سەرەدانا هەرێما كوردستانێ بكەت و دگەل نێچیرڤان بارزانی، سەرۆكێ هەرێما كوردستانێ و مەسرور بارزانی، سەرۆكێ حكومەتا هەرێمی كۆمبیت.
نێچیرڤان بارزانی سەرۆكێ هەرێما كوردستانێ سەبارەت ڤێ سەرەدانێ دیاركر، ئەڤە جارا ئێكێ یە تۆم باراك ب فەرمی وەكو هنارتییێ سەرۆكێ ئەمریكا دهێتە هەولێرێ، ب پشت ڕاستیڤە ئەو بابەتێن پەیوەندی ب هەرێما كوردستانێ و عیراقێ ڤە هەیی ب گشتی دێ هێنە بەحسكرن، داكو هەماهەنگییەكا زێدەتر دناڤبەرا هەموو لایەناندا دروست بیت.
ل دۆر ڕەوشا ناڤخۆ یا هەرێما كوردستانێ، نێچیرڤان بارزانی ئاماژە ب هندێ دا، دەستپپێشخەرییا سەرۆك بارزانی د جهێ خۆدایە، ئەو دگەل لایەنێن سیاسی بەردەوام ل سەر هێلن.