<h1 style="text-align: center;">مهسرور بارزانی: پهرلهمان مولكێ خهلكێ كوردستانێ یه و مافێ كهسێ نینه رێگرییێ ل كاراكرنا وی بكهت</h1> <h1 style="text-align: center;">سهرۆكێ حكومهتا ههرێما كوردستانێ، مهسرور بارزانی، ل دۆر ئهنجامێن كۆمبوونا خۆ یا ل گهل تۆم باراكی، راگههاند كۆمبوونهكا باشبوو و تێدا بهحسێ ههموو پرسێن گرنگێن عیراقێ و ههرێما كوردستانێ هاته كرن. مهسرور بارزانی ئاشكرا كر كو تهوهرێ سهرهكییێ كۆمبوونێ ل سهر زێدهكرنا ههماههنگیێن ئهمنی و ئابۆری بوویه، تەكەزی ل سهر گرنگیا زێدهكرنا سەردەرییێ ل گهل كۆمپانیێن ئهمریكی و بیانی هاته كرن، داكو مفایی ژ دهرفهتێن وهبهرهێنانێ وهربگرن و ب ڤێ رێكێ هاریكاریا ئابۆریا عیراقێ و ههرێمێ ژی بكهن. ل دۆر پرسا پێكئینانا حوكمهتا نوو و كاراكرنا پهرلهمانێ كوردستانێ، مهسرور بارزانی گۆت: پێنگاڤا ئێكێ كاراكرنا پهرلهمانییه، ئهم ژ رۆژا ئێكێ ڤه ل گهل وێ چهندێینه، ئهو رهوشا نوكه پهرلهمان تێدا دهرباز دبیت ل جهێ خۆ نینه، ژبهركو پهرلهمان مولكێ خهلكێ كوردستانێ یه و نابیت چ كهس رێگریێ ل كاراكرنا وی بكهت." گۆت ژی: ههر كهسێ رێگریێ ل كاراكرنا پهرلهمانی بكهت، دڤێت خهلكێ كوردستانێ بهرسڤا وی بدهت. ل دۆر پهیوهندیێن د ناڤبهرا ئیران و ئهمریكا و رێككهڤتنا وان دا، مهسرور بارزانی دوپاتكر: ههرێما كوردستانێ ههردهم ل گهل ئاشتیێ یه و پێشوازیێ ل ههر رێككهفتنهكا ئاشتیخوازانه دكهت، كو ببیته ئهگهرێ ئارامییێ ل دهڤهرێ.</h1>
