<h1 style="text-align: center;">دو باژێرێن گەشتیاری یێن نوو ل دهۆکێ دێ هێنە چێکرن</h1> <h1 style="text-align: center;">حکومەتا هەرێما کوردستانێ ب رێیا دو ماستەرپلانێن مەزن، دو باژێڕێن گەشتیاری یێن نوو ل چیایێ زاوا و پشت بەنداڤا دهۆکێ دێ دروستكەت، دێ بنە ئەگەرێ پەیداكرنا ب هزاران دەلیڤێن کاری و د ماوێ سێ بۆ شەش سالان دا دێ هێنە بجهئینان. د. هەڤال سدیق، رێڤەبەرێ گشتییێ وەبەرهێنانێ ل پارێزگهها دهۆکێ راگەهاند: تێچوویێ ئاڤاکرنا ڤان هەردو پرۆژان هێشتا ب تەمامی دیار نەبوویە، چونکی پرۆژە د نوونە و ل سەر بنیاتێ ماستەرپلانەکا گشتگیر هاتینە دارشتن و دابەشکرینە ل سەر چەندین پشک و پێکهاتێن جودا، ل دەمێ راگەهاندنا وێ، هەر وەبەرهێنەرەک دشێت پشکەکێ ژ پرۆژەیی وەربگریت و بجهبینیت. رێڤەبەرێ گشتییێ وەبەرهێنانا دهۆکێ ئاشکرا کر ژی: دەمێ وەبەرهێنەرەک پشکەکا پرۆژەیی وەردگریت، دەمەک بۆ دهێتە دیارکرن بۆ بجهئینانێ، دهێتە پێشبینیکرن د ماوێ سێ بۆ شەش سالان دا هەمی پشکێن ڤان پرۆژان ب تەمامی بهێنە چێکرن و بکەڤنە د خزمەتێ دا.</h1>
