پەرلەمانتارێ عیراقێ ژبەر وەرگرتنا بەرتیلێ هاته زیندانكرن
دەستەیا دەسپاکییا عیراقێ ڕاگههاند، دادگەها تاوانێن بهرهنگاربوونا گەندەلییێ سزایێ زیندانیکرنا توند بۆ دهمێ دوو سالان ب سەر محەمەد کەربوولی، پهرلهمانتارێ ههڤپهیمانییا عهزم سەپاند و ب كۆژمێ 10 ملیۆن دیناران هاته سزادان.
ل دووڤ ڕاگەهاندنا دەستەیا دەستپاکییا عیراقێ، پەرلەمانتارێ عیراقێ داخوازییا 50 هزار دۆلاران کربوو داکو دەستێوەردانێ بۆ گرتنا چەند لژنەیێن ڤەکۆلینێ بکەت یێن کو دژی سکالاکەرەکی ل ڕێڤەبەرییا پەروەردا بەغدا هاتبوونە پێکئینان، داکو ئەو کەسە د پۆستێ خۆ یێ رێڤەبەرێ قوتابخانەیێدا بمینیت.
د ڕاگەهاندنێدا هاتییە، دادگەهێ پشتی هویربینی د هەمی بەلگەیاندا کری، بڕیارا سزادانا محەمەد کەربوولی ل دووڤ قانوونا ژمارە 160 یا سالا 1983ـێ دەرکربوو.
