<h1 style="text-align: center;">ئیسماعیل بەقایی: ل گەل عەلی زەیدی چەندین ڕێککەفتنان دێ ئیمزاکەین</h1> <h1 style="text-align: center;">پەیڤدارێ وەزارەتا دەرڤە یا ئیرانێ دبێژیت: "سەرەدانا عەلی زەیدی، سەرۆکوەزیرێن عێراقێ بۆ تەهرانێ، تەكەزیکرنە ل سەر پەیوەندی و بەرژەوەندییێن هەڤپشک یێن هەردو لایەنان، کو تێدا دێ ئیمزا ل سەر چەندین ڕێککەفتنان هێتە کرن". ئیسماعیل بەقایی، گۆت ژی: هەموو کەس گرنگیا پەیوەندییێن ئیران و عێراقێ دزانن و هەردەم مە ڕێزەکا تایبەت بۆ ئارامی، خۆشگوزاری، سەروەری و سەربەخۆیا عێراقێ هەبوویە، د هەمان دەم دا، ئەم ڕێزێ ل گوهۆرینێن رەوشا ناڤخۆیی دگرین، بەرۆڤاژی سیاسەتا ئەمریکا کو هەردەم دەستێوەردانێ د وەڵاتێن دەڤەرێ دا دکەت، ب عێراقێ ڤە ژی و هەژموونا خۆ دسەپینیت. گۆت ژی: سەرەدانا سەرۆکوەزیرێن عێراقێ بۆ کۆمارا ئیسلامیا ئیرانێ گەلەک گرنگە و ئەم ژ نوکە وەرە بخێرهاتنا زەیدی و شاندێ ل گەل دا دکەین، ئەم پشتڕاستین کو ئەڤ سەرەدانە دێ بیتە خاڵەکا وەرچەرخانێ بۆ پێشڤەبرنا پەیوەندییێن د ناڤبەرا هەردو وەڵاتێن موسڵمان و جیران دا.</h1>
