<h2><b>نڤیسین: ئهمیر سهدیق</b> ڕاگههاندن ب ههموو هێزا خۆڤه ئامرازهكا كاریگهره بۆ ئاڤاكرنا هۆشیاريیێ. لێ دهمێ جڤاك دكهڤيته د كاودانێن بهرتهنگدا وهك (قهیران. ئالۆزى. یان بڕیارێن چارهنڤێسساز) . هندهك جارا ڕاگههاندن ب ڕهنگهكێ نهدروست یان نهرێنى ڕهفتارێ دكهت و دبیته پشكهك ژ ئاریشهیێ نهكو چارهسهری. لهوما دیاركرنا دیارده و ڕۆلێن خراب یێن ڕاگههاندنى دڤان كاوهداناندا ب بهلاڤكرنا ترسى و ئالۆزیێن د دهمێن قهیراناندا هندهك دهزگههێن ڕاگههاندنێ بۆ هندى كۆ سهرنجا خهلكى ڕاكێشن. یان دا دهستكهڤتێن ماددى ب دهستڤهبینن پهنایێ بۆ بكارئینانا سهردێڕ و ڤیدیۆیێن ترسانك دبهن. ئهڤه ژى دبنه ئهگهرێ پهیداكرنا حالهتهكێ ترسى د ناوێرا وهلاتییان. ههروهسا تێكدانا دهروونێ خهلكى و خۆ دویر دئێخن ژلایهنى عهقلانى و پێشكێشكرنا زانیاریێن درست و بزاڤان ژبۆ كونترۆلكرنا ههست و سۆزان دكهن . گهلهك جارا بهلاڤكرنا پێزانینێن نهدرست یان دشیێم بێژم (فێك نیوز) ڕادبن ب بهلاڤكرنا نوچهیێن نههاتینه پشتڕاستكرن و (مبالهغى) تێدا دكهن. ب تنێ كۆ ببنه ئێکەم كهس نووچه بهلاڤكرى لهوما ژى پێشێلكارى د نووچهیدا ل بهر خهلكى پهیدا دبیت . ئهڤه ژبلى تێكدانا ئارامییا گشتى و ئاسایشا كومهلایهتى. چونكى د كاودانێن ههستیاردا ڕاگههاندن دهستههلاتهكا مهزنه و ئهگهر ب نه بسپۆرانه بهێته بكارئینان دێ بیته ئهگهرێ هاندانا خهلكى یان ژى دروستكرنا دوو بهركییهكا جڤاكى دژى بڕیارێن گرنگ یێن وهلاتى یان خۆ یێن جڤاكى ژى. پاش دێ بیته ئهگهرێ دروستكرنا ئاراستهیێن دژى ئێك دناڤ خۆدا.</h2> <h2>ئهو بخۆ دڤێت د قهیراناندا د ئێکگرتى بن. هندهك جارا ژى هندهك ژ ڕاگههاندنى پهڕاوێزكرنا نووچهیێ سهرهكى ل دهف وهرگرى بهرزه دكهت یان ژى وهدكهت كۆ بیته پشت گوهاڤێتن ئهوژى ب بهلاڤكرنا بابهتێن بچیك و بێمفا كو ددهمهكیدا خهلك پێدڤى ب ڕێنما و پێزانین و هشیاركرنێ ههیه كا دێ چهوا قهیرانان دهرباز كهن. كو ئهڤه دچیته ل ژێر ناڤێ ڕاگههاندنا نه شارهزا یانژى یا د سهردابردا. ل دووماهییێ من دڤێت بێژم ڕاگههاندنا بهرپرس د دهمێن تەنگاڤییاندا پێدڤییه بنهمایێن پێشهیى و ئهخلاقى بهرز ڕابگریت و ببیته پرهك دناڤبهرا ڕاستی و جڤاكى دا. نهكو ببیته ئهگهرهك بۆ زێدهكرنا بارگرانییا دهروونى و جڤاكى و كارتێكرن د بهرژهوهندییێن وهلاتى دا.</h2>
