<h2><span style="font-size: 18pt;">بەری چەند ڕۆژان حكومەتا عیراقێ دەست ب بەلاڤكرنا مووچەیێ فەرمانبەرێن خۆ كریە، بریارە هەتا ڕۆژا دووشەمبییا بهێت بەلاڤكرن ب دووماهی بهێت، دووڤدا دێ دەست ب ڕێكارێن هنارتنا مووچەیێ هەیڤا حەفت یێ فەرمانبەر و مووچەخۆرێن هەرێما كوردستانێ هێتەكرن.</span> <span style="font-size: 18pt;">هەرێما كوردستانێ لیستەیا مووچەی و تەرازوویا پێداچوونێ بۆ بەغدا هنارتینە، نڤیسارا كۆمپانییا سۆمۆ ژی چ ئاریشە تێدا نینن و دێ هێتە هنارتن، لێ نوكە خالا ناكووك دناڤبەرا هەولێر و بەغدا دا داهاتێ ناڤخۆیە، كو وەزارەتا دارایی یا عیراقێ یا ڕژە 120 ملیار دیناران وەربگریت، هەولێر دبێژیت: داهاتێ ڤێ هەیڤێ ب تنێ 84 ملیار دینارن و ئەو دشێن 42 بۆ 43 ملیار دیناران ب هنێرن.</span> <span style="font-size: 18pt;">فالح ساری وەزیرێ دارایی یێ عیراقێ دبێژیت، داكو ئەو ڕازی ببیت ڤی كوژمەیی وەربگریت، دڤێت نڤیسارەك ژ جڤاتا وەزیران بۆ بچیت، ئەگەر نە ئەو دێ مووچەیی ب لێبرینا 120 ملیار دیناران هنێریت.</span></h2>
