سەباح بەیتوللا، هاریکارێ مەکتەبا رێکخستنا پارتی ل بەهدینان ل دۆر سالڤەگەرا دامەزراندنا ئاژانسا خانی راگەهاند، “ئەز پێنج سالیا دامەزراندنا ئاژانسا خانی ل ستافێ خانی، ڕێڤەبەر و هەموو ستافێ وێ پیرۆز دکەم، دخوازم سەرکەفتی بن و دەستخۆشیێ لێ دکەم”.
گۆتژی، “ئەڤ دەزگەهە، کو دووماهی جار پلەیا ئێکێ بدەستڤەئینا ل سەر ئاستێ دەزگەهێن میدیایی ئێن پارتی دیموکراتی کوردستان کو ڕۆلەکێ گەلەک کاریگەر و مەزن گێڕایە د قۆناغێن میدیایێ دا؛ چ بۆ نیشاندانا مێژوویا دەڤەرا کوردستانێ، چ بۆ وان نەخۆشی و کارەساتێن ب سەر ملەتێ مە دا هاتین، چ بۆ بەرسڤدانا نەحەز و نەیار و دوژمن و داگیرکەرێن کوردستانێ بیت”.
هەروەسا گۆتژی، ” بخۆشحالیڤە ئەڤ هەلکەڤتە د 16ێ تەباخێ دا کو سالیادا دامەزراندنا پارتی و ژدایکبوونا سەرۆک بارزانییە، کو دوو بیرهاتنێن گەلەک مەزنن د مێژوویا تەڤگەرا ڕزگاریخوازیا کوردستانێ دانە، ئەڤ سالڤەگەرە پیرۆز بیت ل هەموو کوردان.
