<h2 style="text-align: center;">مەکتەبا ڕێکخستنا پ.د.ک ل بەهدینان ھێرشا درۆنی بۆ سەر ئۆفیسا تایبەتا سەرۆکوەزیران شەرمزاردکەت</h2> <h2 style="text-align: center;">ل دەمەکێ کو هەرێما کوردستانێ ب تەبایی و ئارامی بەرەف ئاڤەدانی و بهێزکرنا دامودەزگەهێن خۆ پێنگاڤان دهاڤێژیت، دەستێن ڕەش یێن دوژمنکاران ب ئارمانجکرنا ئۆفیسا تایبەت یا جەنابێ ڕێزدار مەسرور بارزانی سەرۆکێ حکومەتا هەرێما کوردستانێ، جهێ حەواندنا ڕێڤەبەرێ ئاژانسا پاراستنێ، هەموو سنوور و هێلێن سۆرێن ئاسایشا نیشتمانی دەربازكرن. ئەم ڤێ دەستدرێژیا تیرۆریستی و یا بێ بەهانە و ب توندترین شێوە شەرمزار دکەین، تەکەزیێ دکەین کو ئەڤ ھێرشە نە ب تنێ نیشانگرتنا لایەنەکی یان جهەکێ دیارکرییە، بەلکو هێرشەکا ئاشکرا و دوژمنکارانەیە بۆ سەر ئاسایش، سەقامگیری، دەزگەھێن یاسایی و دەستووریێن ھەرێما کوردستانێ و هەمی وەلاتیێن کوردستانێ. پێدڤییە نەیار و دوژمنێن گەلێ مە باش بزانن کو ئەڤ جۆرە بزاڤێن چەپەل چ جار ناکەڤنە د خزمەتا شکاندنا ئیرادەیا پۆلایی یا مللەتێ مە دا و مە ژ جێبەجێکرنا ئەرکێن مە یێن نیشتمانی سست ناکەن. دیرۆكێ سەلماندیە کو چ پیلان و هێرشێن ل دژى گەلێ مە نەشیاینە ئارمانجێن خۆ یێن شوم بجهـبینن، د داهاتی ژی دا، دێ ڕووبڕوو هەمان شکەستنێ بن. کوردستان ب ئیرادەیا گەلێ خۆ و داسۆزیا ڕابەرایەتیا خۆ دێ ب سەربلندی، پاراستی و ئاڤەدان مینیت.</h2>
