<h2 style="text-align: justify;"><span style="font-size: 18pt;">پارتی دیموكراتی كوردستا ڕاگەهاندنەك ل دۆر هێرشیا درۆنی بۆ سەر بارەگایێ نڤیسینگەها سەرۆكوەزیران مەسرور بارزانی و جهێ ڤەحەواندنا بەرپرسێ ئاژانسا پاراستنێ بەلاڤكر و تێدا دیاركر، ئەو ئەڤان هێرشان ب توندترین شێوە شەرمزار دكەن، دڤێت حكومەتا عیراقێ ب جدی بهێتە سەر خەت.</span> <span style="font-size: 18pt;">د دەمەكیدا هەموو چاڤەرێیی هندێ بوون كو دەست بۆ ئەمنیەت و سەقامگێرییا عیراقێ و هەرێما كوردستانێ نەهێتە درێژكرن و یا پاراستی بیت، ب تایبەتی كو هەموو بزاڤێن هەرێما كوردستانێ دوورخستنا هەرێمێ و عیراقێنە ژ تێكەلبوونێ ژ ئاریشەیێن دەڤەرێ، چ جاران هەرێم نەبوویە پشكەك ژ شەڕ و ئالۆزییان، ب مخابنیڤە شەڤا بووری ب ڕێیا دوو درۆنان نڤیسنگەها بەرێز ( مەسرور بارزانی ) سەرۆكێ حكومەتا هەرێما كوردستانێ و جهێ ڕێڤەبەرێ ئاژانسا پاراستنێ هاتینە ئارمانجكرن.</span> <span style="font-size: 18pt;">ئەم پارتی دیموكراتی كوردستان گەلەك ب توندی ئەڤان كریارێن تێكدەر ئیدانە و شەرمزار دكەین، ئەڤان ڕەفتاران د بەرژەوەندییا چ لایەنەكیدا نابینین و مەترسیدارن ل سەر گەشەپێدانا پەیوەندییان و ڕەوشا دەڤەرێ زێدەتر ئالۆز دكەن.</span> <span style="font-size: 18pt;">ل ڤێرێ ب ڕوونی دووپات دكەین كو ئەركێ سەر ملێن حكومەتا فیدرالا عیراقێیە ل هەموو ئەڤان بابەتان ب جدی بهێتە دەنگ و ڕێكێ ل ئەڤان هێرش و بنپێكارییان بگریت، هەروەسا ب زووترین دەم ڕێكێن گونجای بۆ بەرهنگاربوونا ئەڤان جۆرە دەست درێژییان ببینیت.</span> <span style="font-size: 18pt;">مەكتەبا سیاسییا پارتی دیموكراتی كوردستان</span> <span style="font-size: 18pt;">17ی ئابا 2026ێ</span></h2>
