<h1 style="text-align: center;">پڕۆژێ چاکسازیێ د ئەرك و کارێن پۆلیسێ کوردستانێ دا چوویە د وارێ بجهئینانێ دا</h1> <h1 style="text-align: center;">ب بریارا وەزیرێ ناڤخۆ یێ هەرێما کوردستانێ، کۆمبوونەکا بلند ل دیوانا وەزارەتێ بۆ گۆتوبێژکرنا پێنگافێن کریاری یێن پڕۆژێ چاکسازیێ و گوهۆڕینا ستراتیژیا پۆلیسی ژ هێزێ بۆ باوەری و خزمەتێ برێڤەچوو، کو پشکەکە ژ کارناما چاکسازیا کابینا نەهێ یا حکومەتا هەرێما کوردستانێ ب سەرۆکاتییا مەسرور بارزانی. ئەڤرۆ سێشەمبی، 18ـی تەباخێ 2026 ێ، وەزارەتا ناڤخۆ یا هەرێما کوردستانێ، د ڕاگەهاندنەکێ دا دیارکر: پڕۆژێ چاکسازیێ و پێشڤەبرنا ئەرك و کارێن پۆلیسێ کوردستانێ چوو د وارێ بحهئینانێ دا، د ڤی چارچووڤەیی دا و ل سەر بریارا ڕێبەر ئەحمەد، وەزیرێ ناڤخۆ، کۆمبوونەکا بلند ل دیوانا وەزارەتێ ب سەرپەرشتییا هێمن میرانی، ڕێڤەبەرێ گشتییێ دیوانێ برێڤەچوو. ئەو کۆمبوونە ب ئامادەبوونا ڕێڤەبەرێن گشتی و بەرپرسێن بلند یێن کەرتێ پۆلیسان، بەرگرییا شارستانی، دادگەهێ، ئەکادیمیێن وەزارەتا ناڤخۆ و ڕێڤەبەرێن پۆلیسێن پارێزگەهان و ئیدارێن سەربەخۆ هاتە سازکرن.</h1>
